ଢେଙ୍କାନାଳ,୫।୧୧: ଲକ୍ଷ୍ମୀପୂଜା ଦେଖିବାକୁ ଅଟୋରେ ଆସୁଥିବା ବେଳେ ଅଟୋ ଦୁର୍ଘଟଣା ଗସ୍ତ ହେବାରୁ ଗୋଟିଏ ପରିବାରର ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଆହତ ହୋଇଛନ୍ତି  । ମୃତକ ଜଣକ ହେଲେ ଢେଙ୍କାନାଳ ସଦର ବ୍ଲକ ଗୋବିନ୍ଦପୁର ଫାଣ୍ଡି ଅନ୍ତର୍ଗତ କୁରୁମ ଟାଙ୍କର ଗ୍ରାମର ପ୍ରତିମା ମହାନ୍ତି।

  ଢେଙ୍କାନାଳ ସଦର ବ୍ଲକ ଗୋବିନ୍ଦପୁର ଫାଣ୍ଡି ଅନ୍ତର୍ଗତ କୁରୁମ ଟାଙ୍କର ଗ୍ରାମରୁ ଢେଙ୍କାନାଳକୁ ଲକ୍ଷ୍ମୀପୂଜା ଦେଖିବା ପାଇଁ ରବିବାର ସନ୍ଧ୍ୟା ସମୟରେ ଆସୁଥିଲେ  । ଗୋବିନ୍ଦ ପୁର କୁରୁମଟାଙ୍ଗର ରାସ୍ତାର ଲେବୁଲ୍ କ୍ରସିଂ ନିକଟରେ ଥିବା ଏକ ଗଛରେ ଅଟୋ ପିଟି ହୋଇଯିବାରୁ ଅଟୋରେ ବସିଥିବା ସ୍ୱର୍ଣ୍ଣଲତା ମହାନ୍ତି, ପଦ୍ମନାଭ ମହାନ୍ତି ଓ ପ୍ରତିମା ମହାନ୍ତି ଗୁରୁତର ଭାବେ ଆହତ ହୋଇଥିଲେ  । ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ନିଆଯାଇଥିଲା   । ସେଠାରେ ପହଞ୍ଚିବା ପରେ ପ୍ରତିମା ମହାନ୍ତିଙ୍କୁ ଡାକ୍ତର ମୃତ ଘୋଷଣା କରିଥିଲେ  । ମୃତ ମହିଳା ଜଣଙ୍କ ସାମ୍ବାଦିକ ଦୁଷ୍ମନ୍ତ ମହାନ୍ତିଙ୍କ ଖୁଡି ହୋଇଥିବା ବେଳେ ଆହତଙ୍କ ମଧ୍ୟରୁ ଜଣେ ତାଙ୍କ ଦାଦା ଓ ମା ବୋଲି ଜଣାପଡିଛି  । ଆହତ ଦୁଇ ଜଣଙ୍କ ମଧ୍ୟରେ ସ୍ୱର୍ଣ୍ଣଲତା ମହାନ୍ତିଙ୍କ ଅଣ୍ଟା ଭାଙ୍ଗି ଯାଇଥିବା ବେଳେ ପଦ୍ମନାଭ ମହାନ୍ତି ଆହତ ହୋଇ ଚିକିତ୍ସିତ ହେଉଛନ୍ତି  ।

ଆହୁରି ପଢନ୍ତୁ : ବଣଭୋଜିରେ ଚଢାଉକୁ ନେଇ ଥାନାରେ ଲଙ୍କାକାଣ୍ଡ , ଅମ୍ବାଭୋନା ଥାନାରେ ପଶି ଯୁବକଙ୍କ ଭଙ୍ଗାରୁଜା