ନୂଆଦିଲ୍ଲୀ – ଉଡ଼ାଣରେ ବିଳମ୍ୱ ହେଲେ ଯାତ୍ରୀ ଏବେ ବିମାନରୁ ବାହାରି ଯାଇ ପାରିବେ। ଏଥିପାଇଁ ଉଡ଼ାଣ ସୁରକ୍ଷା ( ଆଭିଏସନ ସିକ୍ୟୁରିଟି) ନିରୀକ୍ଷଣ ସଂସ୍ଥା ବିସିଏଏସ୍ ନୂଆ ନୀତି ନିର୍ଦ୍ଦେଶ ଜାରି କରିଛି। ଏହି ଅନୁସାରେ ବିମାନରେ ବସିବା ପରେ ଉଡ଼ାଣରେ ଅନେକ ବିଳମ୍ୱ ହେଲେ ଯାତ୍ରୀଙ୍କୁ ବିମାନ ବନ୍ଦରର ପ୍ରସ୍ଥାନ ଦ୍ୱାର ମାଧ୍ୟମରେ ବାହାରି ଯିବାକୁ ଅନୁମତି ଦିଆଯାଇଛି।
ବେସାମରିକ ବିମାନ ଚଳାଚଳ ସୁରକ୍ଷା ବ୍ୟୁରୋ (ବିସିଏଏସ)ର ମହାନିର୍ଦ୍ଦେଶକ ଜୁଲଫିକାର ହସନ କହିଛନ୍ତି କି, ନୂଆ ନୀତି ନିର୍ଦ୍ଦେଶ ୩୦ ମାର୍ଚ୍ଚରେ ଏୟାରଲାଇନ କମ୍ପାନୀ ଓ ବିମାନ ବନ୍ଦର ପରିଚାଳକଙ୍କୁ ଜାରି କରାଯାଇ ଥିଲା ଏବଂ ଏବେ ଏହା ଲାଗୁ ହୋଇ ସାରିଛି। ସେ କହିଛନ୍ତି କି, ଏହି ନୀତି ନିର୍ଦ୍ଦେଶ ଯାତ୍ରୀଙ୍କ ଅସୁବିଧାକୁ ହ୍ରାସ କରିବାରେ ସାହାଯ୍ୟ କରିବ ଏବଂ ତାଙ୍କୁ ବିମାନରେ ବସିବା ପରେ ଦୀର୍ଘ ସମୟ ଯାଏ ବସି ରହିବାକୁ ପଡ଼ିବ ନାହିଁ।
ବେସାମରିକ ବିମାନ ଚଳାଚଳ ସୁରକ୍ଷା ବ୍ୟୁରୋ (ବିସିଏଏସ)ର ଏହି ନିର୍ଦ୍ଦେଶ ବିମାନ ବନ୍ଦରରେ ଭିଡ଼ ଓ ଉଡ଼ାଣରେ ବିଳମ୍ୱ ବଢୁଥିବା ମାମଲାକୁ ଦେଖି ଆସିଛି। ଅନେକ ଥର ଯାତ୍ରୀ ବିମାନରେ ବସିବା ପରେ ମଧ୍ୟ ଦୀର୍ଘ ସମୟ ଯାଏ ଫସି ରହି ଥାନ୍ତି। ହେଲେ ନୂଆ ନିୟମ ପରେ ଏବେ ଉଡ଼ାଣରେ ଦୀର୍ଘ ବିଳମ୍ୱ ହେବା ଓ ଅନ୍ୟ ଜରୁରିକାଳୀନ ସ୍ଥିତିର ମାମଲାରେ ଯାତ୍ରୀଙ୍କୁ ସମ୍ୱନ୍ଧିତ ବିମାନ ବନ୍ଦରର ପ୍ରସ୍ଥାନ ଦ୍ୱାରରୁ ବାହାରିବାର ଅନୁମତି ଦିଆଯିବ। ଯାତ୍ରୀଙ୍କୁ ବିମାନରୁ ଓହ୍ଲାଇବାର ନିର୍ଣ୍ଣୟ ସମ୍ୱନ୍ଧିତ ଏୟାରଲାଇନ୍ସ ଓ ସୁରକ୍ଷା ଏଜେନ୍ସିଙ୍କ ଦ୍ୱାରା ନିଆଯିବ।
