ପ୍ରମୂଖ ଖବର
  • ସାରା ରାଜ୍ୟରେ ଲାଗୁ ହେବ ସୁଭଦ୍ରା ଯୋଜନା, ୧୦୦ ଦିନ ଭିତରେ ହେବ କାର୍ଯ୍ୟକାରୀ
  • ||
  • ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ
  • ||
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ଶିଶୁମାନଙ୍କ କ୍ଷେତ୍ରରେ ପେଡିଆଟ୍ରିକ୍ ଲାପାରୋସ୍କୋପିକ୍ ସର୍ଜରୀ ବର୍ତ୍ତମାନ ସମ୍ଭବ : ବିଶେଷଜ୍ଞ

ଭୁବନେଶ୍ୱର, ୧୧/୬ : ୨୫ବର୍ଷ ପୂର୍ବେ ଯଦିଓ କେହି କଳ୍ପନା କରିପାରୁ ନଥିଲେ ବର୍ତ୍ତମାନ ଅତ୍ୟାଧୁନିକ ବୈଷୟିକ ଜ୍ଞାନ ଓ ଯନ୍ତ୍ରପାତିର ଉପଲବ୍ଧି ଦ୍ୱାରା ଛୋଟ ଶିଶୁମାନଙ୍କ କ୍ଷେତ୍ରରେ ଲାପାରୋସ୍କୋପିକ ସର୍ଜରୀ ସମ୍ଭବ ହୋଇପାରୁଛି । ଏହିଭଳି ଶଲ୍ୟ ଚିକିତ୍ସା ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ୍ ଆଣ୍ଡ ସମ୍ ହସ୍ପିଟାଲ୍‌ରେ ସଫଳତାର ସହ କରାଯାଉଥିବା କହିଛନ୍ତି ହସ୍ପିଟାଲ୍‌ର ପେଡିଆଟ୍ରିକ୍ ସର୍ଜରୀ ବିଭାଗର ମୁଖ୍ୟ ପ୍ରଫେସର (ଡ) ଅନ୍ତର୍ଯ୍ୟାମୀ ପ୍ରଧାନ । 

ଆଇଏମଏସ୍ ଆଣ୍ଡ ସମ୍ ହସ୍ପିଟାଲ୍‌ରେ ପେଡିଆଟ୍ରିକ୍ ସର୍ଜରୀ ସଚେତନତା ସପ୍ତାହ ପାଳନ ଉପଲକ୍ଷେ ସୋମବାର  ଆୟୋଜିତ ଉଦ୍‌ଯାପନୀ କାର୍ଯ୍ୟକ୍ରମରେ ପ୍ରଫେସର (ଡ) ପ୍ରଧାନ କହିଛନ୍ତି ଯେ, ବହୁ ବର୍ଷ ପୂର୍ବେ ବୟସ୍କଙ୍କ କ୍ଷେତ୍ରରେ ପ୍ରଥମେ ଲାପାରୋସ୍କୋପିକ୍ ଅସ୍ତ୍ରୋପଚାର ଆରମ୍ଭ କରାଯାଇଥିବା ବେଳେ ଶିଶୁମାନଙ୍କ କ୍ଷେତ୍ରରେ ଯେ ଏହା ସମ୍ଭବ ହୋଇପାରିବ ତାହା କେହି ଚିନ୍ତା ବି କରିପାରି ନଥିଲେ । କିନ୍ତୁ ଅତ୍ୟାଧୁନିକ ଟେକ୍ନୋଲୋଜି ଓ ପେଡିଆଟ୍ରିକ୍ ଲାପାରୋସ୍କୋପିକ୍ ଯନ୍ତ୍ରପାତିର ଉପଲବ୍ଧି  ଦ୍ୱାରା ଏହା ବର୍ତମାନ ସମ୍ଭବ ହୋଇପାରୁଛି ବୋଲି ସେ କହିଥିଲେ । 

ହାର୍ନିଆ, ପେଟ ଭିତରେ ଥିବା ଟେଷ୍ଟିସ୍ (ଅନଡିସେଣ୍ଡେଡ ଟେଷ୍ଟିସ୍‌), ପାଇଲୋପ୍ଲାଷ୍ଟି, ପାଇରାଇମୋଟୋମି, ଆପେଣ୍ଡିସେକ୍ଟୋମି, କୋଲେସିଷ୍ଟେକ୍ଟୋମି, ଇନ୍‌ଟେଷ୍ଟାଇନାଲ୍ ପୁଲ ଥ୍ରୁ୍‌, ଥୋରାକୋସ୍କୋପିକ୍ ସର୍ଜରୀ ଇତ୍ୟାଦି ନିୟମିତ ଭାବରେ ଲାପାରୋସ୍କୋପିକ୍ ଉପାୟରେ କରାଯାଉଥିବା ବେଳେ ଅନେକ ଶିଶୁମାନଙ୍କର ପିତାମାତା ବର୍ତ୍ତମାନ ଲାପାରୋସ୍କୋପିକ୍ ସର୍ଜରୀକୁ ହିଁ  ପସନ୍ଦ କରୁଛନ୍ତି ବୋଲି ସେ କହିଛନ୍ତି ।

ଏହି ଲାପାରୋସ୍କୋପିକ୍ ଅସ୍ତ୍ରୋପଚାରର ଉତମ ଦିଗ ହେଉଛି ରୋଗୀଟିର କମ୍ ଯନ୍ତ୍ରଣା ପାଇବା ସହ ଶୀଘ୍ର ସୁସ୍ଥତା ଲାଭ କରେ ।  ରୋଗୀ ମଧ୍ୟ ଘରକୁ ଶୀଘ୍ର ଡିସ୍‌ଚାର୍ଜ ହୋଇ ଫେରିବା ସମ୍ଭବ ହୋଇଥାଏ ବୋଲି ସେ କହିଛନ୍ତି । ଆଇଏମ୍‌ଏସ୍ ଆଣ୍ଡ ସମ୍ ହସ୍ପିଟାଲ୍‌ରେ ପେଡିଆଟ୍ରିକ୍ ସର୍ଜରୀ ସଚେତନତା ସପ୍ତାହ ପାଳନ କରାଯିବା ସହ ଏକ ଆନ୍ତଃବିଭାଗୀୟ କଂଟିନୁଇଙ୍ଗ୍ ମେଡିକାଲ୍ ଏଜୁକେସନ୍ (ସିଏମ୍‌ଇ) କାର୍ଯ୍ୟକ୍ରମ ପେଡିଆଟ୍ରିକ୍ ଆଣ୍ଡ ନିଓନାଟୋଲୋଜି ବିଭାଗ ପକ୍ଷରୁ ଆୟୋଜନ କରାଯାଇଥିବା ବେଳେ ପେଡିଆଟ୍ରିକ୍ ଲାପାରୋସ୍କୋପି, ଥୋରାକୋସ୍କୋପ ଓ ସିଷ୍ଟୋସ୍କୋପି ଭଳି ମିନିମାଲ୍ ଇନ୍‌ଭେସିଭ୍ ସର୍ଜରୀ ସମ୍ପର୍କରେ ଏହି ସିଏମ୍‌ଇରେ ଆଲୋଚନା କରାଯାଇଥିଲା । 

କାର୍ଯ୍ୟକ୍ରମରେ ଆଇଏମ୍‌ଏସ୍ ଆଣ୍ଡ ସମ୍ ହସ୍ପିଟାଲ୍‌ର ଡିନ୍ ପ୍ରଫେସର (ଡାକ୍ତର) ସଂଘମିତ୍ରା ମିଶ୍ର, ମେଡିକାଲ୍ ସୁପରିଟେଣ୍ଡେଂଟ ପ୍ରଫେସର (ଡାକ୍ତର) ପୁଷ୍ପରାଜ ସାମନ୍ତସିଂହାର, ଶିଶୁରୋଗ ବିଭାଗର ମୁଖ୍ୟ ପ୍ରଫେସର ମମତାଦେବୀ ମହାନ୍ତି, ଡାକ୍ତର ଦେବାଶିଷ ନନ୍ଦ, ପେଡିଆଟ୍ରିକ୍ ସର୍ଜରୀ ବିଭାଗର ମୁଖ୍ୟ ପ୍ର୍ରଫେସର ଅନ୍ତର୍ଯ୍ୟାମୀ ପ୍ରଧାନ, ପ୍ରଫେସର ରବିନ୍ଦ୍ର ବଳ, ପ୍ରଫେସର ହିରଣ୍ୟ କେ. ମହାନ୍ତି, ପ୍ରଫେସର ସୁଧାଂଶୁ ପାତ୍ର, ପ୍ରଫେସର ଲଳିତ ପରିଡା, ଡାକ୍ତର ସୁବାଷ ସୁବୁଦ୍ଧିଙ୍କ ସମେତ  ପେଡିଆଟ୍ରିକ୍ ସର୍ଜନ, ପେଡିଆଟ୍ରିସିଆନ୍ ଏବଂ ନିଓନାଟୋଲୋଜିଷ୍ଟମାନେ ଉପସ୍ଥିତ ଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.