କୋଲକାତା ୧୧/୦୫: ପ୍ରଧାନମନ୍ତ୍ରୀ  ନରେନ୍ଦ୍ର ମୋଦି ଗୋଟିଏ ଦିନରେ ପଶ୍ଚିମବଙ୍ଗରେ ଚାରୋଟି ନିର୍ବାଚନୀ ସଭା  କରିବେ । ଏହି କାର୍ଯ୍ୟକ୍ରମ ଆସନ୍ତ ୧୨ ତାରିଖ ରବିବାରରେ ଆୟୋଜିତ ହେବ । 

ବିଜେପି କହିଛି ଯେ ପ୍ରଧାନମନ୍ତ୍ରୀ ସେହିଦିନ ବାରାକପୁର, ଆରାମବାଗ, ହୁଗୁଳି ଏବଂ ହାଓଡାରେ ସାଧାରଣ ନିର୍ବାଚନୀ ସଭା କରିବେ । ଲୋକସଭା  ନିର୍ବାଚନମଣ୍ଡଳୀରେ ଯେଉଁଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିର୍ବାଚନ ପ୍ରଚାର ସଭା କରୁଛନ୍ତି, ସେତେବେଳେ  ଦଳର ସାଂଗଠନିକ ସ୍ଥିତିକୁ ନେଇ ବଙ୍ଗ ବିଜେପି ପର୍ଯ୍ୟାୟକ୍ରମେ ବୈଠକ  କରୁଛି । କାରଣ, ମୋଦି ଯେଉଁଠାରେ  ସମାବେଶ କରୁଛନ୍ତି କିମ୍ବା ଆଗାମୀ  ଦିନରେ କରିବେ, ସେଗୁଡିକରେ ଯଦି  ବିଜେପି ପଛରେ ରୁହେ, ତା’ହେଲେ  ତ ଦଳର ରାଜ୍ୟ ନେତୃତ୍ୱମାନଙ୍କ ପାଇଁ  ଏହା ଏକ ବିଡ଼ମ୍ବନାର ବିଷୟ ହେବ । ଲୋକସଭା ନିର୍ବାଚନ ଘୋଷଣା ପରେ ପ୍ରଧାନମନ୍ତ୍ରୀଙ୍କ ବଙ୍ଗ ଗସ୍ତ ପ୍ରଥମ  ଏପ୍ରିଲ ୪ରେ କୋଚବିହାରରୁ ଆରମ୍ଭ  ହୋଇଥିବାବେଳେ ଏହା ତାଙ୍କର  ୧୨ ତମ ଯାତ୍ରାବୋଲି ଜଣାପଡ଼ିଛି ।