ପ୍ରମୂଖ ଖବର
  • ଭୁବନେଶ୍ଵର : ପ୍ରକାଶ ପାଇଲା OSSTET ପରୀକ୍ଷା ଫଳ, ୱେବସାଇଟରୁ ମିଳିବ ଡିଜିଟାଲ ସାର୍ଟିଫିକେଟ
  • ||
  • ଭୁବନେଶ୍ଵର : ବାଚସ୍ପତି ପ୍ରାର୍ଥୀ ହେଲେ ସୁରମା ପାଢୀ, ଭରିଲେ ନାମାଙ୍କନ ପତ୍ର
  • ||
  • ପୁରୀ : ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିରେ ବିଳମ୍ବ, ବିବାଦ ଯୋଗୁଁ ଅଟକିଛି ନୀତିକାନ୍ତି
  • ||
  • ଭୁବନେଶ୍ଵର : ବୁଧବାର ରାଜ୍ୟରେ ଛେଚିବ ବର୍ଷା, ୨୦ ସୁଦ୍ଧା ଅଧା ଓଡ଼ିଶା ଛୁଇଁବ ମୌସୁମୀ
  • ||
  • ଡ୍ରେନ୍‌ରେ ପଡ଼ି ନାବାଳକଙ୍କ ମୃତ୍ୟୁ ଘଟଣା : ମୁକୁଳା ଡ୍ରେନ୍‌ର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ, ୭ ଦିନ ଭିତରେ ନିଆଯିବ କାର୍ଯ୍ୟାନୁଷ୍ଠାନ
  • ||

ପୁଣେ ପୋର୍ସ କାର ଦୁର୍ଘଟଣା ମାମଲା, ନାବାଳକ ଅଭିଯୁକ୍ତର ଜାମିନ ଖାରଜ

Image Courtesy: hindustantimes

ନୂଆଦିଲ୍ଲୀ: ପୁଣେରେ ପୋର୍ସ କାର ଦୁର୍ଘଟଣା ମାମଲାରେ ୧୭ ବର୍ଷୀୟ ନାବାଳକ ଅଭିଯୁକ୍ତର ଜାମିନ ଖାରଜ ହୋଇଛି । ଏବେ ତାକୁ ବାଳ ସୁଧାର ଗୃହକୁ ପଠାଯାଇଛି । ତାକୁ ଅବର୍ଜଭେସନ୍‌ରେ ରଖାଯିବାକୁ ଥିବା ବେଳେ ଜୁନ୍‌ ୫ରେ ଜୁଭେନାଇଲ୍‌ କୋର୍ଟ ଏହି ମାମଲାର ପରବର୍ତ୍ତୀ ଶୁଣାଣି କରିବେ । ଏହା ପୂର୍ବରୁ ପୋଲିସ ନାବାଳକର ବିଲ୍ଡର ବାପାକୁ ଗିରଫ କରିଥିଲା । ଏହାପରେ କୋର୍ଟ ମେ ୨୪ ଯାଏ ତାଙ୍କୁ ପୋଲିସ ରିମାଣ୍ଡରେ ପଠାଇଛନ୍ତି । ମେ ୧୯ରେ ପୋର୍ସ କାର ଧକ୍କାରେ ବାଇକରେ ଯାଉଥିବା ଜଣେ ଯୁବକ ଏବଂ ଯୁବତୀଙ୍କ ମୃତ୍ୟୁ ହୋଇଥିଲା ।

 ପୋଲିସ ଅଧିକାରୀଙ୍କ ସୂଚନା ଅନୁସାରେ ଜୁଭେନାଇଲ ଜଜ୍‌ ବୋର୍ଡ ନାବାଳକ ଅଭିଯୁକ୍ତକୁ ଜୁନ୍ ୫ ଯାଏ ବାଳ ସୁଧାର ଗୃହକୁ ପଠାଇଛନ୍ତି । ପୁଣେ ପୋଲିସ କମିଶନର ଅମିତେଶ କୁମାର କହିଛନ୍ତି ଯେ ନାବାଳକ ଅଭିଯୁକ୍ତ ବିରୋଧରେ ଜଣେ ବୟସ୍କ ପରି ମୋକଦ୍ଦମା ଚାଲିବା ଦରକାର । ଏଥିପାଇଁ ପୋଲିସ ଉପର କୋର୍ଟରେ ଅନୁମତି ମାଗିଛି ।

ଉଲ୍ଲେଖଯୋଗ୍ୟ ଯେ, ପୁଣେରେ ୧୭ ବର୍ଷୀୟ ନାବାଳକ ମଦ ନିଶାରେ ନିଜ ପୋର୍ସ କାରରେ ବାଇକରେ ଯାଉଥିବା ଦୁଇ ଇଞ୍ଜିନିୟରଙ୍କୁ ଧକ୍କା ମାରିଥିଲା । ଦୁର୍ଘଟଣାରେ ଯୁବକ ଓ ଯୁବତୀଙ୍କ ମୃତ୍ୟୁ ହୋଇଥିଲା । ମୃତକଙ୍କ ନାଁ ଅନିଶ ଅବଧିୟା (୨୪) ଏବଂ ଅଶ୍ବିନ କୋଷ୍ଟା (୨୪) । ଦୁହେଁ ମଧ୍ୟପ୍ରଦେଶର ହୋଇଥିବା ବେଳେ ପୁଣେରେ କାମ କରୁଥିଲେ । ଏହି ମାମଲାରେ ପୋଲିସ ଏବେ ସୁଦ୍ଧା ପାଞ୍ଚ ଜଣଙ୍କୁ ଗିରଫ କରିଛି । ଏଥିରେ ବାରର ଦୁଇ ମ୍ୟାନେଜର, ବାର ମାଲିକ, ହୋଟେଲ୍ କର୍ମଚାରୀ ଏବଂ ଅଭିଯୁକ୍ତର ବାପା ବିଶାଳ ଅଗ୍ରୱାଲଙ୍କୁ ଜେଲ୍‌ ପଠାଇଛି ପୋଲିସ ।

  • Maharastra
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.