ନୂଆଦିଲ୍ଲୀ,୦୪/୦୯: ପାଖେଇ ଆସୁଛି ନିର୍ବାଚନ । ଏନେଇ ଜମ୍ମୁ ଓ କାଶ୍ମୀରରେ ଆଜି ନିର୍ବାଚନ ପ୍ରଚାର କରିବେ ବିରୋଧୀ ଦଳ ନେତା ରାହୁଲ ଗାନ୍ଧୀ। ବାନିହାଲରୁ ନିର୍ବାଚନ ଲଢୁଥିବା ପୂର୍ବତନ ଜମ୍ମୁ ଓ କାଶ୍ମୀର କଂଗ୍ରେସ ମୁଖ୍ଯ ବିକାର ରସୋଲ ୱାନିଙ୍କ ଲାଗି ପ୍ରଚାର କରିବେ ରାହୁଲ। ରାମବନ ଜିଲ୍ଲାର ଗୁଲରେ ସେ ୱାନିଙ୍କ ସପକ୍ଷରେ ପ୍ରଚାର କରିବେ।

ସେହିପରି ଅନନ୍ତନାଗ ଜିଲ୍ଲାର ଦୋରୁରେ ଆୟୋଜିତ ସାଧାରଣ ସଭାରେ ରାହୁଲ ଉଦବୋଧନ ଦେବା ସହ ପୂର୍ବତନ ମନ୍ତ୍ରୀ ଗୁଲାମ ଅହମ୍ମଦ ମୀରଙ୍କ ଲାଗି ପ୍ରଚାର କରିବେ। ବିଧିବଦ୍ଧ ଭାବେ ଜାମ୍ମୁ ଓ କାଶ୍ମୀରରେ କଂଗ୍ରେସର ନିର୍ବାଚନ ପ୍ରଚାର ଆରମ୍ଭ କରିବେ ରାହୁଲ।ତେବେ ୯୦ ଆସନ ବିଶିଷ୍ଟ ଜମ୍ମୁ ଓ କାଶ୍ମୀର ଭୋଟ ସେପ୍ଟେମ୍ବର ୧୮,ସେପ୍ଟେମ୍ବର ୨୫ ଓ ଅକ୍ଟୋବର ୧ରେ ତିନି ପର୍ଯ୍ୟାୟରେ ହେବ। ନିର୍ବାଚନରେ କଂଗ୍ରେସର ତାରକା ପ୍ରଚାରକ ହେବେ ରାହୁଲ ଗାନ୍ଧି, ମଲ୍ଲିକାର୍ଜୁନ ଖଡଗେ, ସୋନିଆ ଗାନ୍ଧି ଓ ପ୍ରିୟଙ୍କା ଗାନ୍ଧି। ୨୦୧୯ରେ ସମ୍ବିଧାନର ଧାରା ୩୭୦ ଉଚ୍ଛେଦ ପରେ ପ୍ରଥମ ଥର ଲାଗି ଜାମ୍ମୁ ଓ କାଶ୍ମୀରରେ ନିର୍ବାଚନ ହେବ।