ନୂଆଦିଲ୍ଲୀ: ଆଇପିଏଲ ୨୦୨୪ ଆରସିବି ପାଇଁ ଶୁଭ ସାବ୍ୟସ୍ତ ହେଉନଥିବା ଦେଖିବାକୁ ମିଳୁଛି । ଆଜି ଦିଲ୍ଲୀ ଏବଂ ଲକ୍ଷ୍ନୌ ମ୍ୟାଚ୍ ପରେ ହୁଏତ ଆରସିବିକୁ ଆଉ ଏକ ଝଟକା ଲାଗିପାରେ । ହେଲେ ଏନେଇ ଦିଲ୍ଲୀ ଏବଂ ଲକ୍ଷ୍ନୌ ମ୍ୟାଚ୍ର ଫଳାଫଳ ଆସିଲେ ସ୍ପଷ୍ଟ ହୋଇପାରିବ । ଦିଲ୍ଲୀ ଅଧିନାୟକ ଡବଲ୍ ଫାଇଦା ପାଇଁ ମୈଦାନକୁ ଆସିଥିବା ବେଳେ ଯଦି ଲକ୍ଷ୍ନୌ ନିଜ ଗ୍ରାଉଣ୍ଡରେ ପରାସ୍ତ ହୁଏ ତେବେ ଆରସିବିର ଅଡ଼ୁଆ ବଢ଼ିବ ।
ଆଇପିଏଲ ୨୦୨୪ର ୨୬ ତମ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଏବଂ ଲକ୍ଷ୍ନୌ ସୁପର ଜ୍ୟାଣ୍ଟସ ମୁହାଁମୁହିଁ ହୋଇଛନ୍ତି । ଦିଲ୍ଲୀ ଷଷ୍ଠ ଏବଂ ଲକ୍ଷ୍ନୌ ପଞ୍ଚମ ମ୍ୟାଚ୍ ଖେଳୁଛି । ଏହା ପୂର୍ବରୁ ୪ରୁ ୩ଟି ମ୍ୟାଚ୍ରେ ବିଜୟୀ ହୋଇ ଲକ୍ଷ୍ନୌ ପଏଣ୍ଟ ଟେବୁଲର ତୃତୀୟ ସ୍ଥାନରେ ରହିଛି । ସେପଟେ ୫ଟି ମ୍ୟାଚ୍ ଖେଳି କେବଳ ଗୋଟିଏରେ ବିଜୟୀ ହୋଇଥିବା ଦିଲ୍ଲୀ ପଏଣ୍ଟ ଟେବୁଲ୍ର ସବୁଠୁ ତଳେ ରହିଛି ।
ଏଭଳି ସ୍ଥିତିରେ ଦିଲ୍ଲୀ, ଲକ୍ଷ୍ନୌ ଟିମ୍କୁ ପରାସ୍ତ କରେ ତେବେ ୨ ଅଙ୍କ ସହ ସେ ପଏଣ୍ଟ ଟେବୁଲର ଉପରକୁ ଉଠିବ । ଫଳରେ ଆରସିବି ଦଶମ ସ୍ଥାନକୁ ଖସିଆସିବ । ଆଜିର ମ୍ୟାଚରେ ଦିଲ୍ଲୀ ଠାରୁ ଲକ୍ଷ୍ନୌ ଟିମ୍ ଶକ୍ତିଶାଳୀ ଲାଗୁଥିବା ବେଳେ ଆରସିବି ପାଇଁ ଅସୁବିଧା ହୋଇନପାରେ । ହୋମ ଗ୍ରାଉଣ୍ଡରେ ଲକ୍ଷ୍ନୌର ବିଜୟ ହାର ଅନ୍ୟ କୌଣସି ଟିମ୍ଠାରୁ ଭଲ ରହିଛି । ସେପଟେ ଦିଲ୍ଲୀ ହୋମ ଗ୍ରାଉଣ୍ଡ ବାହାରେ ୧୭ ମ୍ୟାଚ୍ ଖେଳି କେବଳ ୬ଟି ମ୍ୟାଚ୍ ଜିତିପାରିଛି । ଅନ୍ୟ ଟିମ୍ ଠାରୁ ଦିଲ୍ଲୀର ଏହି ରେକର୍ଡ ସବୁଠୁ ଖରାପ ।
