ମୁମ୍ବାଇ,୩୦।୫: ମାର୍ଚ୍ଚରେ ଗୁଜୁରାଟର ଜାମନଗରରେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚେଣ୍ଟଙ୍କ ପ୍ରି-ଓ୍ବେଡି ସେଲିବ୍ରେସନ୍‌ ଅନୁଷ୍ଠିତ ହୋଇଥିଲା। ସେତେବେଳେ ଏହି ଭବ୍ୟ ସମାରୋହକୁ ନେଇ ଖୁବ୍ ଚର୍ଚ୍ଚା ହେଉଥିଲା। ଏବେ ଏହି କପଲଙ୍କର ଇଟାଲୀରେ ଦ୍ୱିତୀୟ ପ୍ରି-ଓ୍ବେଡିଂ ଫଙ୍କସନ୍‌ ପାଇଁ ପ୍ରସ୍ତୁତି ଚାଲିଛି। ଅନନ୍ତ ଅମ୍ବାନୀ ଜୁଲାଇ ୧୨ ରେ ମୁମ୍ବାଇରେ ରାଧିକାଙ୍କୁ ବିବାହ କରିବାକୁ ଯାଉଛନ୍ତି। ଏବେ ଖବର ଆସୁଛି ଯେ ଏହି ଦ୍ବିତୀୟ ପ୍ରି ଓ୍ବେଡିଂରେ ପପ୍‌ଷ୍ଟାର ଶକିରା ପରଫରମାନ୍ସ କରିବାକୁ ଯାଉଛନ୍ତି।  

ଏକ ରିପୋର୍ଟ ଅନୁସାରେ, ଶକିରା ଏହି ପ୍ରିଓ୍ବେଡିଂ ପାର୍ଟି ବେଳେ ଲଗଜରୀ ଫ୍ରେଞ୍ଚ କ୍ରୁଜ୍‌ରେ ନିଜର ଦମଦାର ପ୍ରଦର୍ଶନ କରି ଅତିଥିଙ୍କ ମନୋରଞ୍ଜନ କରିବେ। ଆଶା ରହିଛି ଯେ, ସମୁଦ୍ର ମଝିରେ ଶକିରା ନିଜର ସବୁଠାରୁ ବଡ ଚାଟବଷ୍ଟର୍ସ ଗୀତ ଗାଇବେ ଓ ଏହାକୁ ନୋଇ ସେ ଖୁବ୍ ମୋଟା ଅଙ୍କର ଫି’ ମଧ୍ୟ ନେବେ।

କୁହାଯାଉଛି ଯେ, ଶକିରା ତାଙ୍କର ଏହି ପରଫରମାନ୍ସ ପାଇଁ ୧୦ ରୁ ୧୫ କୋଟି ଟଙ୍କା ନେଇ ପାରନ୍ତି। ଏହା ପୂର୍ବରୁ ଖବର ଆସିଥିଲା ଯେ, ଭାରତୀୟ ଗାୟକ ଗୁରୁ ରାନ୍ଧଓ୍ବା ଓ ଆମେରିକା ରାପର ପିଟବୁଲ ଚାରିଦିନର ପ୍ରି-ଓ୍ବେଡିରେ ପରଫରମାନ୍ସ କରିବେ। ଗୁରୁବାର ଅନନ୍ତ-ରାଧିକାଙ୍କ ପ୍ରି-ଓ୍ବେଡିଂ ଫଙ୍କସନ୍‌ର ଦ୍ବିତୀୟ ଦିନ, କିନ୍ତୁ ସୋସିଆଲ ମିଡିଆରେ ପାର୍ଟିର କୌଣସି ଫଟୋ କିମ୍ବା ଭିଡିଓ ଦେଖିବାକୁ ମିଳିନି। ଅମ୍ବାନୀ ପରିବାରର କ୍ରୁଜ ପାର୍ଟି ୨୯ ମଇରୁ ଆରମ୍ଭ ହୋଇଥିଲା ଓ ୧ ଜୁନ୍‌ ପର୍ଯ୍ୟନ୍ତ ଚାଲିବ, ଯେଉଁଥିରେ ଅତିଥିମାନେ ଫ୍ରାନ୍ସ ଓ ଇଟାଲି ଗସ୍ତ କରିବେ। କ୍ରୁଜ ସିପ୍‌ରେ ପୂର୍ବରୁ ହିଁ ଥିବା ଲୋକଙ୍କ ଭିତରେ ସଲମାନ ଖାନ୍, ଆଲିଆ ଭଟ୍ଟ, ରଣବୀର କପୁର, ରଣବୀର ସିଂହ, ଅନନ୍ୟା ପାଣ୍ଡୋ, ସାରା ଅଲ୍ଲି ଖାନ୍ ଓ ଅନ୍ୟମାନେ ସାମିଲ ହେବେ।