ମୁମ୍ବାଇ,୨୧/୮: ନିକଟରେ ରିଲିଜ ହୋଇଥିବା ହରର କମେଡି ଫିଲ୍ମ 'ସ୍ତ୍ରୀ ୨' ନେଇ ଖୁବ ଖୁବ୍ ଚର୍ଚ୍ଚାରେ ଅଛନ୍ତି ଅଭିନେତ୍ରୀ ଶ୍ରଦ୍ଧା କପୁର । ଏହି ଫିଲ୍ମ ରିଲିଜର ୬ ଦିନରେ  ଘରୋଇ ବକ୍ସ ଅଫିସରେ ୨୫୦ କୋଟି ଟଙ୍କା ଅତିକ୍ରମ କରିଛି ।  ତେବେ 'ସ୍ତ୍ରୀ 2' ର ସଫଳତା ସହ ଶ୍ରଦ୍ଧା କପୁରଙ୍କ ଲୋକପ୍ରିୟତା ଆହୁରି ବଢିବାରେ ଲାଗିଛି। ଏନେଇ ସୋସିଆଲ ମିଡିଆରେ ଅଭିନେତ୍ରୀଙ୍କ ଫୋଲର୍ସଙ୍କ ସଂଖ୍ୟା  ବୃଦ୍ଧି ପାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ପଛରେ ପକାଇଛନ୍ତି ।

ସ୍ତ୍ରୀ-2 ର ସଫଳତା ମଧ୍ୟରେ ଶ୍ରଦ୍ଧା କପୁର ନିଜ ଇନଷ୍ଟାଗ୍ରାମରେ ୯୧.୪ ମିଲିୟନ ଫୋଲର୍ସ ପାଇଛନ୍ତି । ଯେଉଁଠାରେ ପିଏମ ମୋଦୀଙ୍କର ୯୧.୨ ମିଲିୟନ ଫୋଲର୍ସ ରହିଥିବା ବେଳେ ମୋଦିଙ୍କୁ ଟପିଲେ ଶ୍ରଦ୍ଧା । ତେବେ ପ୍ରଧାନମନ୍ତ୍ରୀ ମୋଦିଙ୍କ ପରେ ଅଭିନେତ୍ରୀମାନଙ୍କ ମଧ୍ୟରେ ପ୍ରିୟଙ୍କା ଚୋପ୍ରାଙ୍କର ଇନଷ୍ଟାଗ୍ରାମରେ ସର୍ବାଧିକ ଫୋଲର୍ସ ରହିଛନ୍ତି । ମୋଦିଙ୍କ ପରେ ଖୁବଶୀଘ୍ର ଶ୍ରଦ୍ଧା ପ୍ରିୟଙ୍କାଙ୍କୁ ପଛରେ ପକାଇବା ସହ ସର୍ବାଧିକ ଫୋଲର୍ସ ଥିବା ଅଭିନେତ୍ରୀ ଭାବେ ବିବେଚନା ହେବେ । ତେବେ ସ୍ତ୍ରୀ -୨ ର ୬ଦିନିଆ ବକ୍ସ ଅଫିସ୍ କଲେକ୍ସନ୍ ବିଷୟରେ କହିବାକୁ ଗଲେ, ଫିଲ୍ମ ଭାରତରେ ଖୁବଶୀଘ୍ର ୩୦୦କୋଟି କ୍ଲବରେ ପହଞ୍ଚିବ। ପ୍ରଥମ ଦିନରେ ୫୧.୮ କୋଟି ଆୟ କରିଥିବା ବେଳେ ୬ଷ୍ଠ ଦିନରେ ଫିଲ୍ମରେ ୨୫.୮ କୋଟି ଆୟ କରିଛି   । ଏହିପରି ଫିଲ୍ମ ଗୋଟିଏ ଦିନରେ ରିଲିଜ କରିଥିବା ଅକ୍ଷୟ କୁମାରଙ୍କ ଫିଲ୍ମ 'ଖେଲ ଖେଲ ମେ' ଏବଂ ଜନ ଆବ୍ରାହମଙ୍କ ଫିଲ୍ମ 'ବେଦା' କୁ ମଧ୍ୟ ପଛରେ ପକାଇଥିବା ସୂଚନା ମିଳିଛି।