ପ୍ରମୂଖ ଖବର
  • ସିଂହଦ୍ବାର ସମ୍ମୁଖରେ ଲାଗିଲା ତିନି ରଥ, ଗୁଣ୍ଡିଚା ଯାତ୍ରା ସାରି ବାହୁଡ଼ିଲେ ଶ୍ରୀଜିଉ
  • ||
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ନିଶ୍ଚିତ ପରାଜୟ ମୁହଁରୁ ଦକ୍ଷିଣ ଆଫ୍ରିକାଠୁ ଛଡ଼ାଇ ଆଣିଲେ ବିଜୟ, ସୂର୍ଯ୍ୟକୁମାରଙ୍କ କ୍ୟାଚ ଜିତାଇଲା ବିଶ୍ୱକପ୍‌

ବ୍ରିଜଟାଉନ୍‌,୩୦/୦୬: କଥାରେ ଅଛି ‘କ୍ୟାଚ୍‌  ଜିତାଏ ମ୍ୟାଚ୍‌’ । କାହିଁ କେଉଁ ଯୁଗରୁ ‘କ୍ୟାଚ୍‌’ ହିଁ କ୍ରିକେଟ୍‌  ମ୍ୟାଚ୍‌ର ଫଳାଫଳ ନିର୍ଣ୍ଣୟ କରି ଆସୁଛି । ସର୍ବଦା ବ୍ୟାଟର କିମ୍ବା ବୋଲର ପ୍ରଶଂସା ସାଉଁଟି ନିଅନ୍ତି । ମାତ୍ର ଫିଲ୍ଡିଂକୁ  ଆବଶ୍ୟକ ଶ୍ରେୟ ମିଳେନାହିଁ । ବିଶ୍ବକପ ବିଜୟରେ ଅନ୍ୟତମ ନାୟକ ଥିଲେ ସୂର୍ଯ୍ୟକୁମାର ଯାଦବ । ସେ ଏଭଳି ଏକ  କ୍ୟାଚ୍‌ ଧରିଥିଲେ, ଯାହା ଭାରତ ବିଜୟରେ ନିର୍ଣ୍ଣାୟକ  ଭୂମିକା ଗ୍ରହଣ କରିଥିଲା । 

୨୨ଗଜର ପିଚ୍‌ରେ ଉପରେ ତାଙ୍କ ବ୍ୟାଟ୍‌ କଥା  କହି ନଥିଲା । କିଛି ମିନିଟ୍‌ ମଧ୍ୟରେ ସେ ପାଭିଲିୟନ ଫେରି  ଯାଇଥିଲେ । କିନ୍ତୁ ଶେଷ ଓଭରରେ ଡେଭିଡ୍‌ ମିଲରଙ୍କ କ୍ୟାଚ୍‌ ଧରି ସୂର୍ଯ୍ୟକୁମାର ବିଜୟ ପାଇଁ ବାଟ ଖୋଲି  ଦେଇଥିଲେ । ପ୍ରମାଣ କରିଦେଇଥିଲେ, ‘କ୍ୟାଚ୍‌ କେବଳ  ମ୍ୟାଚ୍‌ ଜିତାଏ ନାହିଁ, ଜିତାଏ ବିଶ୍ୱକପ୍‌ । ପୂରଣ କରେ  ଦୀଘ ବର୍ଷର ଅଧୂର ସ୍ୱପ୍ନ ।’ 

ଶେଷ ଓଭରରେ ଦକ୍ଷିଣ ଆଫ୍ରିକାକୁ ବିଜୟ ପାଇଁ  ଆବଶ୍ୟକ ହେଉଥିଲା ୧୬ ରନ୍‌ । ଯଶପ୍ରୀତ ବୁମରା ଓ  ଅର୍ଶଦୀପ ସିଂହଙ୍କ ଓଭର ଶେଷ ହୋଇସାରିଥିଲା । କ୍ରିଜ୍‌ରେ  ଅପରାଜିତ ଥିବା ଦୁର୍ଦ୍ଧର୍ଷ ମିଲର କ୍ଷଣକ ମଧ୍ୟରେ ବାଜି  ପଲଟାଇବାର କ୍ଷମତା ରଖିଥିଲେ । ସେ ୨୧ରନ୍‌ କରି କ୍ରିଜ୍‌ରେ ଜମି ସାରିଥିଲେ ।  


ପାଣ୍ଡ୍ୟା ୨୦ତମ ଓଭର ବୋଲିଂ କରିଥିଲେ । ମିଲରଙ୍କୁ  ଅଫ ଷ୍ଟମ୍ପ ବାହାରେ ଏକ ୟର୍କର ବଲ୍‌ ପକାଇଥିଲେ । ବଲ୍‌କୁ  ପିଚ୍‌ରେ ପଡ଼ିବାକୁ ନଦେଇ ଚତୁର ମିଲର ସିଧା ଲଙ୍ଗ  ଅଫ୍‌ ବାଉଣ୍ଡାରୀ ଅଞ୍ଚଳକୁ ଶକ୍ତିଶାଳୀ ସଟ୍‌ ଖେଳିଥିଲେ ।  ସେଠାରେ ଫିଲ୍ଡିଂ କରୁଥିବା ସୂର୍ଯ୍ୟ କୁମାର କ୍ୟାଚ୍‌  ଧରିଥିଲେ । ମାତ୍ର ନିୟନ୍ତ୍ରଣ ହରାଇ ବସିଥିଲେ । ବିଚଳିତ  ନହୋଇ ସେ ବଲ୍‌କୁ ଉପରକୁ ଫିଙ୍ଗି ବାଉଣ୍ଡାରୀ ବାହାରକୁ  ଚାଲିଯାଇ ପ୍ରଥମେ ନିୟନ୍ତ୍ରଣ ରଖିଥିଲେ । ଏହାପରେ  ଏକ ଜମ୍ପ ମାରି ଗ୍ରାଉଣ୍ଡକୁ ପ୍ରବେଶ କରିଥିଲେ, ହାତରେ  ରହିଥିଲା ବଲ୍‌ । ଟିଭି ଅମ୍ପାୟାର ବାରମ୍ବାର ରିପ୍ଲେ ଦେଖି  ପରୀକ୍ଷା କରିଥିଲେ । ସୂର୍ଯ୍ୟକୁମାର ବଲ୍‌ ସହ ବାଉଣ୍ଟାରୀ  ଛୁଇଁ ନଥିବା ସ୍ପଷ୍ଟ ହୋଇଥିଲା । ଷ୍ଟାଡ଼ିୟମ୍‌ର ବିଶାଳ ସ୍କ୍ରିନ୍‌ରେ  ‘ଆଉଟ୍‌’ ଲେଖି ହୋଇ ଯାଇଥିଲା । ଏପଟେ ଆରମ୍ଭ  ହୋଇ ଯାଇଥିଲା ବିଜୟର ପ୍ରାକ୍‌ ଉତ୍ସବ । ଆଖି ଆଗରେ  ଝଲସି ଉଠିଥିଲା ବିଶ୍ୱକପ୍‌ର ସେହି ଚିକିମିକିଆ ଟ୍ରଫି ।

  • PrameyaOdia
  • prameya
  • T-20 World Cup
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.