ମାଲକାନଗିରି,୧୪।୧୧: ମାଲକାନଗିରିରୁ  ଦାଦନ ଖଟିବାକୁ ହାଇଦ୍ରାବାଦ ଯାଇଥିବା ଜଣେ ଯୁବକ ନିଖୋଜ ହୋଇଯାଇଛନ୍ତି। ଯୁବକ ଜଣକ ହେଲେ କୋରୁକୁଣ୍ଡା ବ୍ଲକ ଅନ୍ତର୍ଗତ ନାକାମାମୁଡି ପଂଚାୟତ ର ବାଟାଗୁଡା ଗ୍ରାମର  ଘାସୀ ପଲାସୀ(୪୦) ।

 ମାଲକାନଗିରି ଜିଲ୍ଲା କୋରୁକୁଣ୍ଡା ବ୍ଲକ ଅନ୍ତର୍ଗତ ନାକାମାମୁଡି ପଂଚାୟତ ର ବାଟାଗୁଡା ଗ୍ରାମର  ଘାସୀ ପଲାସୀ(୪୦) ନିଜର ଭାଇ ଲବ ପଲାସୀ ସହିତ ଘର ଚଳାଇବା ପାଇଁ ଆନ୍ଧ୍ର ପ୍ରଦେଶର ହାଇଦ୍ରାବାଦ ସହରକୁ ଦାଦନ ଖଟିବାକୁ  ଯାଇଥିଲେ । ବାଲିମେଳା ଅଂଚଳର ଜଣେ ଠିକାଦାର ସେମାନଙ୍କୁ ଗତ ଅଗଷ୍ଟ ମାସରେ ହାଇଦ୍ରାବାଦର ଏକ କମ୍ପାନୀ ର ସଟର୍ ଗେଟ୍ ତିଆରି କାମରେ ନିୟୋଜିତ କରି ଥିଲେ। ସେଠାରେ ପାଖାପାଖି ୩ ମାସ ଦାଦନ ଖଟିବା ପରେ ଲବ ଓ ଘାସୀ ହାଇଦ୍ରାବାଦ ର କୁଟି ବସଷ୍ଟାଣ୍ଡ ରୁ ନିଜ ଗାଁ ବାଟାଗୁଡା ଯିବା ପାଇଁ ବସକୁ ଅପେକ୍ଷା କରିଥିଲେ। ଏହି ସମୟରେ ଲବ ପଲାସୀ କଦଳୀ କିଣିବା ପାଇଁ କିଛି ଦୂରକୁ ଚାଲିଯାଇଥିଲେ ଓ ଫେରିଲା ପରେ ସେମାନେ ଅପେକ୍ଷା କରିଥିବା ଜାଗା ରେ ଘାସକୁ ପାଇନଥିଲେ ଓ ତୁରନ୍ତ ସେଠାରେ ବସ ଅପେକ୍ଷାରତ ଲୋକ ମାନଙ୍କୁ ପଚରାଉଚରା କରିବାସହ ବହୁତ ଖୋଜାଖୋଜି କରିଥିଲେ କିନ୍ତୁ ଘାଷୀଙ୍କର କୈାଣସି ଖୋଜ ଖବର ନପାଇ ନିରାଶ ହୋଇ ଗାଁକୁ ଏକୁଟିଆ ଫେରିଥିଲେ।