ଚନ୍ଦାହାଣ୍ଡି , ୭।୯ :  ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅଧିନ ମୋତିଗାଁ  ଠାକୁରାଣୀ ସାହିର ଯୁବକ ଓ  ସାହିବାସୀ ଗଣେଶ ପୂଜା ପାଳନ କରିଛନ୍ତି  l  ଏଥିରେ ଇଂ କାମାକ୍ଷା ପ୍ରସାଦ ବେଶ୍ରା କର୍ତ୍ତା ହୋଇଥିଲେ।   ଏହି ଅବସରରେ ସାହିର ଯୁବକମାନଙ୍କ ମଧ୍ୟରେ ଏକ ନିବିଡ଼ ଭାଇଚାରା ଜାଗ୍ରତ ହୋଇଥିଲା l  ସେମାନେ ଶିକ୍ଷିତ ହେବା ସହ ଯେପରି  ସମାଜ ଏବଂ ଦେଶର କାର୍ଯ୍ୟରେ ନିଜକୁ  ନିୟୋଜିତ କରିପାରିବେ  ସେ ନେଇ ବିଦ୍ୟାଦେବତା ଗଣପତିଙ୍କ ଆଗରେ ମନାସି  ଥିବା ସାହିର ଯୁବକମାନେ କହିଛନ୍ତି l  

ସମାଜରେ ରହିଥିବା ଅନ୍ଧବିଶ୍ୱାସ, ବାଲ୍ୟ ବିବାହ ପ୍ରଥା ଦୂର କରିବା ପାଇଁ ସାହିର ଯୁବ ଗୋଷ୍ଠୀ ସଙ୍କଳ୍ପ ନେଇ ଥିବା ନେଇ ସେମାନେ ସୂଚନା ଦେଇଛନ୍ତି l ରବିବାର   ନବାନ୍ନ ଭକ୍ଷଣ କରିବା ପାଇଁ  ଲଗ୍ନ ଧାର୍ଯ୍ୟ କରାଯାଇ ଥିବା ନେଇ  ପୂଜା କମିଟି ପକ୍ଷରୁ ସୂଚନା ଦିଆ ଯାଇଛି l ଏଥିରେ ନାଗ ଭୂଷଣ ବେଶ୍ରା, ଦିବ୍ୟ ଶଙ୍କର ବାଘ, ଉଦିତ ନାରାୟଣ ବେଶ୍ରା, ନରୋତ୍ତମ ଟୋଲଟିଆ ପ୍ରମୁଖ ଯୋଗ ଦେଇଥିଲେ।