ସାଲେପୁର,୦୮/୦୮: ଡାକ୍ତରୀ ମାଇନା କରିବାକୁ ନେଇଥିବା ବେଳେ ଫେରାର ହୋଇଗଲା ଅଭିଯୁକ୍ତ । ସିସିଟିଭିରେ କଏଦ ହେଲା ଦୃଶ୍ୟ। କଟକ ଜିଲ୍ଲା ସାଲେପୁରରେ ଏଭଳି ଘଟଣା ଘଟିଛି । ଅଭିଯୁକ୍ତ ଦୌଡ଼ି ପଳାଉଥିବା ବେଳେ ତା ପଛରେ ଦୁଇଜଣ ପୋଲିସ କନେଷ୍ଟବଳ ଦୌଡୁଥିବା ଦୃଶ୍ୟ ସିସିଟିଭିରେ କଏଦ ହୋଇଛି । 

ସୂଚନା ଅନୁଯାୟୀ, ଗୁରୁବାର ରାତିରେ ୧୧୨ ନମ୍ବରରେ ଏକ କଲ୍ ଆସିଥିଲା । ଏକ କେସରେ ଜଣେ ଅଭିଯୁକ୍ତକୁ ପୋଲିସ ଧରି ଆଣି ସାଲେପୁର ଗାଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଡାକ୍ତରୀ ମାଇନା କରିବାକୁ ପଠାଇଥିଲା । ଏହି ସମୟରେ ଅଭିଯୁକ୍ତ ଜଣଙ୍କ କୌଶଳ କ୍ରମେ ଖସି ପଳାଇଥିଲା । ଅଭିଯୁକ୍ତ ଦୌଡ଼ି ଦୌଡ଼ି ଯାଉଥିବା ବେଳେ ତା ପଛରେ ଦୁଇଜଣ ପୋଲିସ କନେଷ୍ଟବଳ ଗୋଡାଇବାର ଦୃଶ୍ୟ ସିସିଟିଭିରେ କଏଦ ହୋଇଛି । ଏପର୍ଯ୍ୟନ୍ତ ପୋଲିସ ତାକୁ ଧରିବାରେ ସଫଳ ହୋଇନି ବୋଲି ସାଲେପୁର ଥାନା ଅଧିକାରୀ କହିଛନ୍ତି । ତେବେ ଅଭିଯୁକ୍ତର ନାଁ ଓ ଠିକଣା ପ୍ରକାଶ କରିନି ପୋଲିସ ।