ରାଉରକେଲା ୦୮/୦୬: ବ୍ରାହ୍ମଣୀ ବେଦବ୍ୟାସ ଘାଟରେ ବୁଡି ଦୁଇଜଣ ଛାତ୍ରଙ୍କ ଚାଲିଗଲା ଜୀବନ। ଅନ୍ୟ ୪ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ମୃତକଙ୍କ ମଧ୍ୟରେ ପିପିଲ ଅଞ୍ଚଳର ସମୀର ସୁକୁମାର ନାୟକ ଅନ୍ୟ ଜଣେ ଜଳେଶ୍ବର ରଜତ ସାହୁ ବୋଲି ଜଣାପଡିଛ। ସମସ୍ତ ଛାତ୍ର ବୁର୍ଲା ଭିସୁଟ୍ ହୋଇଥିବା ବେଳେ ସେମାନେ ରାଉରକେଲାର ଏନ୍ଆଇଟିର କାମ କରୁଥିଲେ।
ସୂଚନା ମୁତାବିକ, ସମ୍ବଲପୁର ବୁର୍ଲା ଭିସୁଟର ୬ ଜଣ ଛାତ୍ର ବ୍ରାହ୍ମଣୀ ବେଦବ୍ୟାସ ଘାଟକୁ ଗାଧୋଇବାକୁ ଯାଇଥିଲେ। ସେଠାରେ ଗାଧୋଉଥିବା ବେଳେ ଜଣେ ଛାତ୍ର ପାଣି ଭିତରକୁ ପଳାଇଥିଲେ। ଫଳରେ ବୁଡିବାକୁ ଲାଗିଥିଲେ। ସେ ଠାରେ ତାଙ୍କୁ ଉଦ୍ଧାର କରିବା ପାଇଁ ଅନ୍ୟ ଛାତ୍ରମାନେ ଉଦ୍ୟମ କରୁଥିଲେ। ସେଠାରେ ୨ ଜଣ ପାଣିରେ ବୁଡି ଯାଇଥିଲେ। ଅନ୍ୟ ୪ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ଜଣାପଡିଛ।
