କେନ୍ଦୁଝର ସଦର,୬/୭(ଆପ୍ର): କେନ୍ଦୁଝର ଜିଲ୍ଲା କାଞ୍ଜିପାଣି ଥାନା ଅନ୍ତର୍ଗତ ଟଣ ପଞ୍ଚାୟତ ଗୋବିନ୍ଦପୁର ଗ୍ରାମର ମାଙ୍କଡା ନଈରୁ ଆଜି ଜଣେ ଅଜଣା ମହିଳଙ୍କ ମୃତଦେହ ପୋଲିସ ଉଦ୍ଧାର କରିଛି।ମୃତକ ଙ୍କ ପରିଚୟ ମିଳିପାରିନାହିଁ।
ଆଜି ସ୍ଥାନୀୟ ଲୋକେ ନଈରେ ମହିଳା ଙ୍କ ମୃତଦେହ ଭାସୁଥିବା ଦେଖିଵାକୁ ପାଇଥିଲେ।ଟଣ ସରପଞ୍ଚ ପୋଲିସଙ୍କୁ ଖବର ଦେବାରୁ କାଞ୍ଜିପାଣି ଥାନା ଏସ୍ ଆଇ ସ୍ବରୂପ ରଂଞ୍ଜନ ନାୟକ ସଦଳବଳେ ଘଟଣା ସ୍ଥଳରେ ପହଞ୍ଚି ଶବ ଜବତ କରି ତଦନ୍ତ କରିଥିଲେ।ଏନେଇ ୧୪/୨୪ ଏକ ଅପମୃତ ମାମଲା ରୁଜୁ ହୋଇଛି। ପରେ ଶବ କେନ୍ଦୁଝର ଜିଲ୍ଲା ମୁଖ୍ୟଚିକିତ୍ସାଳୟକୁ ବ୍ୟବଛେଦ ପାଇଁ ପଠାଯାଇଛି।ତେବେ କଙ୍କଡା ଆଦି ଜଳଚର ପ୍ରାଣୀ ମହିଳାଙ୍କ ମୁହଁକୁ କାମୁଡି କ୍ଷତ ବିକ୍ଷତ କରିଦେଇଥିବାରୁ ତାଙ୍କୁ ଚିହ୍ନିଁବା କଷ୍ଟ ହେଉଛି।ସେ ନୀଳ ଓ ନାଲି ସହିତ ଧଳାରଙ୍ଗର ଚେକ୍ ସାଢୀ ଏକଫିକା ଲାଲି ରଙ୍ଗର ବ୍ଲାଉଜ ପିନ୍ଧିଛନ୍ତି।ତାଙ୍କର ଡାହାଣ ହାତରେ ଗୀତା ନାମକ ଏକ ଟାଟୁ ରହିଛି।ପରିଚୟ ମିଳିନଥିଵାରୁ ମୃତଦେହ ମେଡିକାଲ ଶବ ଗୃହରେ ରଖାଯାଇଛି।
