ଲକ୍ଷ୍ନୌ,୧୨।୨: ଉତ୍ତର ପ୍ରଦେଶର ମଥୁରା ଥିବା ଯମୁନା ଏକ୍ସପ୍ରେସ-ଓ୍ୱେରେ ଭୟଙ୍କର ଦୁର୍ଘଟଣା। ନିୟନ୍ତ୍ରଣ ହରାଇ ଡିଭାଇଡର୍ରେ ପିଟି ହେଲା ଡବଲ୍ ଡେକର୍ ବସ୍। ଏତିକି ବେଳେ ହଠାତ୍ ବସ୍ର ତେଲ ଟ୍ୟାଙ୍କରକୁ ଧକ୍କା ଦେଲା ସ୍ୱିଫ୍ଟ ଡିଜାୟର୍ କାର୍। ଫଳରେ ହୁ ହୁ ହୋଇ ଜଳି ଉଠିଲା କାର୍ ଓ ବସ୍। ନିଆଁ ଲାଗି କାର ଭିତରେ ଜୀବନ୍ତ ଦଗ୍ଧ ହୋଇଗଲେ ୫ ଜଣ।
ମିଳିଥିବା ସୂଚନା ଅନୁସାରେ, ସେମାବାର ସକାଳ ପ୍ରାୟ ୭ଟା ୪୫ ମିନିଟ୍ରେ ମଥୁରାର ମହାଭନ ଥାନା ଅନ୍ତର୍ଗତ ମାଇଲଷ୍ଟୋନ୍ ୧୧୭ ପାଖରେ ଏହି ଦୁର୍ଘଯଣା ଘଟିଛି। ବସ୍ ବିହାରରୁ ଦିଲ୍ଲୀ ଆଡକୁ ଯାଉଥିଲା। ମାଇଲ ଷ୍ଟୋନ ୧୧୬-୧୧୭ନିକଟରେ ବସ୍ ଯାଇ ଡିଭାଇଡରରେ ମାଡ ହୋଇଥିଲା। ସେତେବେଳେ ପଛରୁ(ଆଗ୍ରା ଆଡୁ) ଆସୁଥିବା ସିଫ୍ଟ ଡିଜାୟର କାର ବସ୍ର ପଛ ଭାଗରେ ମାଡ ହୋଇଥିଲା। କୁହାଯାଉଛି ଯେ, ବସ୍ର ତେଲ ଟାଙ୍କିରେ କାର ମାଡ ହୋଇଥିବା ବସ୍ ଓ କାର ଦୁଇଟିରେ ନିଆଁ ଲାଗିଯାଇଥିଲା।
ନିଆଁ ଏତେ ଜୋରରେ ଜଳିଥିବା ରେ କାର ଯାତ୍ରୀଙ୍କୁ କାରରରୁ ବାହାରିବାର ସୁଯୋଗ ମିଳିନଥିଲା। ଏହା ମଧ୍ୟ ଅନୁମାନ କରାଯାଉଛି ଯେ, କାରର ସେଣ୍ଟ୍ରାଲ ଲକ୍ ଖରାପ ହୋଇଯାଇଥିଲା, ଏହି କାରଣରୁ କାରର ଯାତ୍ରୀ ସେଥିରୁ ବାହାରି ପାରିନଥିଲେ। ସୂଚନା ମିଳିବାର ପ୍ରାୟ ଅଧା ଘଣ୍ଟା ପରେ ପୋଲିସ ଓ ଟୋଲ୍ ଟିମ୍ ଘଟଣା ସ୍ଥଳରେ ପହଁଞ୍ଚି ଯାଇଥିଲେ। ସେତେବେଳେ କାରରେ ଥିବା ଯାତ୍ରୀ ଜୀବନ୍ତ ଦଗ୍ଧ ହୋଇସାରିଥିଲେ। ବସ୍ରେ ଥିବା ସବୁ ଯାତ୍ରୀ ସୁରକ୍ଷିତ ବାହାରି ଯାଇଥିଲେ।
