କଳାହାଣ୍ଡି, ୧୧/୦୪ : ଭାଲୁ ଆକ୍ରମଣରେ ଯୁବକ ଗୁରୁତର। କଳାହାଣ୍ଡି ଜିଲ୍ଲା ଲାବାଙ୍ଗସର ଗାଁରେ ଏଭଳି ଘଟଣା ଘଟିଛି। ଯୁବକଙ୍କ ଗୋଟିଏ ଆଖି ନଷ୍ଟ ହୋଇଯାଇଛି। ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ସୂଚନାନୁଯାୟୀ, ଲାବାଙ୍ଗସର ଗାଁର କାନ୍ତ ମାଝୀ ଗୁରୁବାର ପାହାନ୍ତିଆରେ ନିଜ ଘର ପାଖ ଜମିକୁ ପାଣି ମଡ଼ାଇବାକୁ ଯାଇଥିଲେ। ଏତିକି ବେଳେ ଏକ ଭାଲୁ ତାଙ୍କୁ ଆକ୍ରମଣ କରିଥିଲା। ସେ ଚିତ୍କାର କରିବାରୁ ପରିବାର ଲୋକେ ଧାଇଁ ଯାଇଥିବାରୁ ଭାଲୁଟି ତାଙ୍କୁ ଛାଡି ଚାଲି ଯାଇଥିଲା । ଭାଲୁ ଆକ୍ରମଣରେ ଯୁବକଙ୍କର ଗୋଟିଏ ଆଖି ସମ୍ପୂର୍ଣ୍ଣ ଭାବରେ ନଷ୍ଟ ହୋଇ ବାହାରକୁ ବାହାରି ଆସିଥିବା ବେଳେ ମୁହଁରେ ଗଭୀର ଆଘାତ ଲାଗିଛି। ପରିବାର ଲୋକେ ତାଙ୍କୁ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣିଥିବା ବେଳେ ସେଠାରେ ଡାକ୍ତର ତାଙ୍କୁ ବୁର୍ଲାକୁ ସ୍ଥାନାନ୍ତରିତ କରିଛନ୍ତି।