ବାଲିପାଟଣା,୧।୨ : ରାଜଧାନୀ ଉପକଣ୍ଠ ବାଲିଅନ୍ତା ଥାନା କାକରୁଦ୍ରପୁର ରାସ୍ତାରେ ବୁଲେଟ୍ ଆରୋହୀଙ୍କୁ ଘୋଷାଡି ନେଲା ୪୦୭ ମିନିଟ୍ରକ୍ । ବୁଲେଟ ଆରୋହୀଙ୍କ ମୃତ୍ୟୁ ଘଟିଛି । ମୃତକ ବାଲିଅନ୍ତା ଥାନା ଦେଉଳି ଗ୍ରାମରର ଚିନ୍ତାମଣୀ ସାହୁ ।
ସୂଚନା ଅନୁଯାଇ ଏକ ବୁଲେଟ୍ରେ ଚିନ୍ତାମଣୀ କାକରୁଦ୍ରପୁର ରାସ୍ତା ରେ ଯିବା ବେଳେ ଏକ ୪୦୭ ମିନିଟ୍ରକ୍ ତାଙ୍କୁ ପଛରୁ ଧକ୍କା ଦେଇଥିଲା । ପରେ ତାଙ୍କୁ ପ୍ରାୟ ୩୦ ଫୁଟ ରାସ୍ତାରେ ଘୋଷାଡି ନେଇଥିଲା । ଏଥିରେ ବୁଲେଟ ଆରୋହୀ ଚିନ୍ତାମଣୀ ଗୁରୁତର ହୋଇଥିଲେ । ସ୍ଥାନୀୟ ଲୋକେ ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ କ୍ଯାପିଟାଲ୍ ହସ୍ପିଟାଲ୍ ପଠାଇଥିଲେ। ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି ।
ଦୁର୍ଘଟଣା ଘଟାଇ ୪୦୭ ମିନିଟ୍ରକ୍ ଡାଇଭର ଗାଡ଼ି ଛାଡି ଫେରାର୍ ହୋଇଯାଇଛି । ଘଟଣା ସ୍ଥଳରେ କିଛି ସମୟ ପାଇଁ ଉତ୍ତେଜନା ସୃଷ୍ଟି ହୋଇଥିଲା । ବାଲିଅନ୍ତା ଥାନା ଅଧିକାରୀ ଘଟଣା ସ୍ଥଳରେ ପହଁଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଥିଲା ।
ଆହୁରି ପଢନ୍ତୁ : ମଦ ପିଇ ଯୁବକଙ୍କ ଉନ୍ମତକାଣ୍ଡ, ନିଜ ବେକକୁ ଧାରୁଆ ଅସ୍ତ୍ରରେ କାଟିଲେ