ମୁମ୍ବାଇ,୨୧/୮:  ୨୦୧୧ରେ ଭାରତୀୟ କ୍ରିକେଟ୍ ଦଳକୁ  ଦିନିକିଆ ବିଶ୍ୱକପ ଟାଇଟଲ ଜିତିବାରେ ଯୁବରାଜ ସିଂ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଯୁବରାଜ ସିଂ ବିଶ୍ୱକପ୍‌ରେ 'ମ୍ୟାନ୍ ଅଫ୍ ଦ ଟୁର୍ଣ୍ଣାମେଣ୍ଟ' ପୁରସ୍କାର ବି ଗ୍ରହଣ କରିଛନ୍ତି । ଗୋଟିଏ ପଟେ ଦଳକୁ ମ୍ୟାଚ ଜିତିବା ପାଇଁ ସେ ଯଥାସମ୍ଭବ ଚେଷ୍ଟା କରୁଥିବାବେଳେ ଅନ୍ୟପଟେ ତାଙ୍କ ଶରୀର ଏକ ଭିନ୍ନ ଯୁଦ୍ଧରେ ଲଢୁଥିଲେ । ଯୁବରାଜ ସିଂ କର୍କଟ ଭଳି ଏକ ଗୁରୁତର ରୋଗକୁ ପରାସ୍ତ କରି ଜୀବନର ପ୍ରକୃତ ଯୁଦ୍ଧରେ ଜିତିଛନ୍ତି । ତେବେ ଯୁବରାଜ ସିଂଙ୍କ ଜୀବନ କାହାଣୀ ଏବେ ସାରା ବିଶ୍ୱ ଦେଖିବ । ବଡ଼ ପରଦାରେ ପ୍ରସ୍ତୁତ ହେବାକୁ ଯାଉଛି ଯୁବରାଜ ସିଂଙ୍କ ହେବ ବାୟୋପିକ । ବଲିଉଡର ଜଣାଶୁଣା ନିର୍ମାତା ଏହି ଫିଲ୍ମକୁ ପ୍ରସ୍ତୁତ କରିବେ ।

ଏହି ବାୟୋପିକ ଟି-ସିରିଜ୍ ବ୍ୟାନରରେ ନିର୍ମିତ ହେବାକୁ ଥିବା ବେଳେ ଭୂଷଣ କୁମାର ଏବଂ ରବି ଭାଗଚନ୍ଦକା ଏହି ବାୟୋପିକ ପ୍ରସ୍ତୁତ କରିବେ । ଭୂଷଣ କୁମାର ନିର୍ମାତା ଥିବା ବେଳେ ସହଯୋଗରେ ଯୁବରାଜ ସିଂଙ୍କ ବାୟୋପିକ ଫିଲ୍ମର ନିର୍ଦ୍ଦେଶନା ଦେବେ ରବି ଭାଗଚନ୍ଦକା । ଯୁବରାଜ ସିଂଙ୍କ ଜୀବନୀର ପୁରା ଯାତ୍ରା ତାଙ୍କ ଚଳଚ୍ଚିତ୍ରରେ ପ୍ରଦର୍ଶିତ କରାଯିବ । ଯୁବରାଜ ସିଂଙ୍କ ନିର୍ମାତା ଦୁଇଟି ଫଟୋ ସେୟାର କରି ଲେଖିଛନ୍ତି, ''କିମ୍ବଦନ୍ତୀ ଯାତ୍ରାକୁ ପିଚ୍ ରୁ ଲକ୍ଷ ଲକ୍ଷ ଲୋକଙ୍କ ହୃଦୟରେ ରାଜ କରିଥିବା ଯୁବରାଜ ସିଂଙ୍କ ଜୀବନୀ କାହାଣୀ ଖୁବଶୀଘ୍ର ବଡ ପରଦାରେ ଆସିବ। 

ଏହି ବାୟୋପିକରେ କେଉଁ ଅଭିନେତା କ୍ରିକେଟର ଭୂମିକାରେ ନଜର ଆସିବେ ସେ ବିଷୟରେ କୌଣସି  ସୂଚନା ମିଳିନାହିଁ । କିନ୍ତୁ ବାୟୋପିକ ଖବର ଶୁଣି ପ୍ରଶଂସକଙ୍କ ମଧ୍ୟରେ ଉତ୍ସାହ ସୃଷ୍ଟି ହୋଇଛି । ସୋସିଆଲ ମିଡିଆରେ ଫ୍ୟାନ୍ସଙ୍କ ମଧ୍ୟରେ ଏନେଇ ଆଲୋଚନା ଜୋର ଧରିଛି । ଅନେକ କହିଛନ୍ତି ଯେ ଯୁବରାଜ ସିଂଙ୍କ ବାୟୋପିକ୍ ପାଇଁ ଟାଇଗର ଶ୍ରଫ୍ ସର୍ବୋତ୍ତମ ପସନ୍ଦ। ଏଥିସହ ଯୁବରାଜ ସିଂ ତାଙ୍କ ସାକ୍ଷାତକାରରେ କହିଥିଲେ ଯେ ଯଦି ମୋର ବାୟୋପିକ୍ ତିଆରି ହୁଏ ତେବେ ସିଦ୍ଧାନ୍ତ ଚତୁର୍ବେଦୀ ଏଥିରେ ତାଙ୍କ ଚରିତ୍ରରେ ଅଭିନୟ କରିବା ଉଚିତ । ବାସ୍ତବରେ, ସିଦ୍ଧାର୍ଥ ଚତୁର୍ବେଦୀଙ୍କ ପାଇଁ ପ୍ଲସ୍ ପଏଣ୍ଟ ହେଉଛି ଯେ ତାଙ୍କର ଚେହେରା ଏବଂ ଫିଜିକ୍ ଯୁବରାଜ ସିଂଙ୍କ ସହ ସମାନ । ତେବେ ଦେଖିବାକୁ ବାକି ରହିଲା ଯୁବରାଜ ସିଂଙ୍କ ଭୂମିକାରେ କିଏ ଆସିବେ ନଜର।