ନୂଆଦିଲ୍ଲୀ : ଦିଲ୍ଲୀରେ ବାୟୁ ପ୍ରଦୂଷଣର ମାତ୍ରା ଖୁବ୍ ସାଙ୍ଘାତିକ ରୂପ ନେଇଛି। ଯାହାକି ଏବେ ଚିନ୍ତାର ବିଷୟ ପାଲଟିଛି। ବାୟୁର ଗୁଣବତ୍ତାକୁ ଠିକ୍ କରିବା ପାଇଁ ଅନେକ ଦିଲ୍ଲୀ ସରକାର ଅନେକ ଉପାୟ ଅବଲମ୍ୱନ କରୁଛନ୍ତି। ଆଉ ଏ ଭିତରେ ଦିଲ୍ଲୀରେ ଗାଡ଼ି ଚଳାଚଳ ନେଇ ଅଡ୍-ଇଭିନ ନମ୍ୱର ଲାଗୁ ହେବା ଚର୍ଚ୍ଚା ଜୋର ଧରିଥିବା ବେଳେ, ଏହା ଲାଗୁ କରିବା ନେଇ ଏବେ ବି ସଂଶୟ ଲାଗି ରହିଛି। ପରିବେଶ ମନ୍ତ୍ରୀ ଗୋପାଳ ରାୟ ମଙ୍ଗଳବାର କହିଛନ୍ତି କି, ସୁପ୍ରିମକୋର୍ଟଙ୍କ ଅବଜର୍ଭେସନର ଅଧ୍ୟୟନ କରିବା ପରେ ହିଁ ଅଡ୍-ଇଭିନ ଲାଗୁ କରିବାରେ ନିଷ୍ପତ୍ତି ନିଆଯିବ।
ଆମେ ଅଡ୍ – ଇଭିନ ଲାଗୁ କରିବା ମାମଲାରେ ପରିବହନ କମିଶନର , ଯାତାୟାତ ପୁଲିସ ଓ ପରିବେଶ ଅଧିକାରୀଙ୍କ ସହ ବୈଠକ କରିଛୁ। ଆମେ ଆପଣଙ୍କୁ ଅଡ୍-ଇଭିନ ଗାଡ଼ି ଯୋଜନା ପାଇଁ ନିୟମ ବିଷୟରେ ସୂଚନା ଦେବାର ଥିଲା , କିନ୍ତୁ ଏହି ସମୟରେ ଆମେ ମିଡ଼ିଆରୁ ଅଡ୍-ଇଭିନ ଗାଡ଼ି ଯୋଜନା ବିଷୟରେ ସୁପ୍ରିମକୋର୍ଟଙ୍କ କିଛି ଟିପ୍ପଣୀ ଦେଖିଲୁ। ଏବେ ଆମେ ସ୍ଥିର କରିଛୁ କି,ଆମେ ପ୍ରଥମେ ସୁପ୍ରିମକୋର୍ଟଙ୍କ ଆଦଶର ଅଧ୍ୟୟନ କରିବୁ।
ପରିବେଶ ମନ୍ତ୍ରୀ ଗୋପାଳ ରାୟ କହିଛନ୍ତି କି, ଏବେ ଦିଲ୍ଲୀରେ ପ୍ରଦୂଷଣ ଓ ଏହାର ହ୍ରାସ ପାଇଁ ଅଡ୍-ଇଭିନ୍ ଯୋଜନା ମାମଲାରେ ସୁପ୍ରିମକୋର୍ଟଙ୍କର ଯାହା ବି ପରାମର୍ଶ ଓ ଆଦେଶ ହେବ, ଆମେ ତାଙ୍କୁ ସାମିଲ କରିବୁ। ଏହାର ଅନୁରୂପ ଆମେ ନୀତି ପ୍ରସ୍ତୁତ କରିବୁ। ଆମେ ସୁପ୍ରିମକୋର୍ଟଙ୍କ ଲିଖିତ ଆଦେଶର ଅଧ୍ୟୟନ କରିବା ପରେ ହିଁ ଅଡ୍–ଇଭିନ ଉପରେ ସବୁ ତଥ୍ୟ ଆପଣଙ୍କ ସାମନାରେ ରଖିବୁ।
#WATCH | Delhi Environment Minister Gopal Rai says, "We had a meeting with the Transport Commissioner, traffic police, and environment officers regarding this. We had to inform you about the rules that we planned for the Odd-Even vehicle scheme. But in between, we saw some… pic.twitter.com/LWntxPbbCm
— ANI (@ANI) November 7, 2023
ପ୍ରଦୂଷଣର ସମସ୍ୟା ଉପରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଉପରେ ଦିଲ୍ଲୀର ପରିବେଶ ମନ୍ତ୍ରୀ ଗୋପାଳ ରାୟ କହିଛନ୍ତି କି ସୁପ୍ରିମକୋର୍ଟ ଦିଲ୍ଲୀରେ ଫସଲ ଜଳାଇବା , ବାଣ ଫୁଟାଇବା ଓ ବାୟୁ ପ୍ରଦୂଷଣକୁ ନେଇ ନିଜର ଟିପ୍ପଣୀ ଦେଇଛନ୍ତି। ଆମ ସରକାର ସୁପ୍ରିମଙ୍କ ଆଦେଶକୁ ଲାଗୁ କରିବ। ପ୍ରଦୂଷଣର ସମସ୍ୟା ପୂରା ଉତ୍ତର ଭାରତର ସମସ୍ୟା। ମୋର ସବୁ ସରକାରଙ୍କୁ ଅନୁରୋଧ କି, ଯଦି ଆମେ ପ୍ରଦୂଷଣ ହ୍ରାସ କରିବା ପାଇଁ ସବୁ ପଦକ୍ଷେପ ଲାଗି କରିବା ତ ନିଶ୍ଚୟ ସଫଳ ହେବା।
