ଛତ୍ରପୁର,୧୯/୧୧ : ଚମାଖଣ୍ଡିଥାନା ନିକଟ ଜାତୀୟ ରାଜପଥ ଉପରେ ଏକ କଣ୍ଟେନରରୁ ଗୋ ମାଂସ ଜବତ କରିଛି ହିନ୍ଦୁ ମହାସଂଘ ଏବଂ ଜୀବ ସୁରକ୍ଷା ସଂଗଠନ l ଏହି କଣ୍ଟେନରରେ ୧୦ଟନ ଗୋ ମାଂସ ଥିବା କୁହାଯାଇଛି l ୧୦ଟନ ଗୋ ମାଂସ ଅର୍ଥାତ ୪୦୦ଗାଈକୁ ମରାଯାଇଥିବା ଅଭିଯୋଗ କରିଛନ୍ତି ହିନ୍ଦୁ ମହାସଭାର ରାଷ୍ଟ୍ରୀୟ ଉପାଧ୍ୟକ୍ଷା ରୋନାଲି ପାଣିଗ୍ରାହୀ ଏବଂ ଜୀବ ସୁରକ୍ଷା ସଂଗଠନର ସଭାପତି ରାଜେଶ ଶତପଥୀ l
ଏହି କଣ୍ଟେନର ସହ ଗୋ ମାଂସ ଜବତ କରିଛି ଚମାଖଣ୍ଡି ପୁଲିସ l ଡ୍ରାଇଭର, ହେଲପର ଫେରାର ହୋଇଯାଇଛନ୍ତି l ଏହି କଣ୍ଟେନେର ସହ ଗୋ ମାଂସ କଟକରୁ ହାଇଦ୍ରାବାଦ ଅଭିମୁଖେ ଯାଉଥିବାବେଳେ କୌଣସି ସୂତ୍ରରୁ ଖବରପାଇ ଏହି ଦୁଇ ସଂଗଠନର କର୍ମକର୍ତ୍ତା ନିଜ ଗାଡ଼ିରେ ପିଛା କରି ଚମାଖଣ୍ଡି ପର୍ଯ୍ୟନ୍ତ ଆସିଥିଲେ l ଚମାଖଣ୍ଡିଠାରେ ଏହି ଗାଡ଼ିକୁ ଅଟକାଇବାବେଳେ ଗାଡ଼ିଟିକୁ ଜୋର ଜବରଦସ୍ତ ନେଇ ଯାଉଥିବାବେଳେ ଟାଇର ଫାଟି ଯାଇଥିଲା l ଗାଡ଼ିଟି ଅଟକିଯିବା ପରେ ଡ୍ରାଇଭର ଫେରାର ହୋଇଯାଇଥିଲା l