ନୂଆଦିଲ୍ଲୀ: ମଙ୍ଗଳବାର ଉତ୍ତର ଚୀନର ଶାଙ୍ଖି ପ୍ରଦେଶରେ ଏକ ଯାତ୍ରୀବାହୀ ବସ୍ ଟନେଲ୍ କାନ୍ଥକୁ ଧକ୍କା ଦେବା କାରଣରୁ ୧୪ ଜଣଙ୍କ ମୃତ୍ୟୁ ହୋଇଛି । ଏଥି ସହ ଏହି ଦୁର୍ଘଟଣାରେ ୩୭ ଜଣ ଆହତ ହୋଇଛନ୍ତି । ବୁଧବାର ଚୀନ୍ର ସରକାରୀ ଗଣମାଧ୍ୟମ ଏହି ଘଟଣା ସମ୍ପର୍କରେ ସୂଚନା ଦେଇଛି ।
ସ୍ଥାନୀୟ କର୍ତ୍ତୃପକ୍ଷଙ୍କ ଅନୁଯାୟୀ ଏହି ଦୁର୍ଘଟଣା ହୁବେଇ ଏକ୍ସପ୍ରେସୱେରେ ଅପରାହ୍ନ ୨.୩୭ ରେ ଘଟିଛି । ଏହି ଘଟଣା ସମ୍ପର୍କରେ ରାଜ୍ୟ ପ୍ରସାରଣକାରୀ ସିସିଟିଭି ନ୍ୟୁଜ୍ କହିଛି ଯେ ଅନେକ ଲୋକଙ୍କୁ ଚିକିତ୍ସା ପାଇଁ ଡାକ୍ତରଖାନା ପଠାଯାଇଛି । ତେବେ ବସ୍ରେ ସମୁଦାୟ ୫୧ ଜଣ ଯାତ୍ରୀ ଥିବା ଜଣାପଡିଛି । ଦୁର୍ଘଟଣାର କାରଣ ଅସ୍ପଷ୍ଟ ରହିଛି ।