ଠାକୁରମୁଣ୍ଡା,୨୦/୯ : ଶିମିଳିପାଳ ପାଦଦେଶ ଠାକୁରମୁଣ୍ଡା ବନ୍ୟପ୍ରାଣୀ ବନାଞ୍ଚଳ ଅନ୍ତର୍ଗତ କମ୍ପାର୍ଟମେଣ୍ଟ ଏସ ଏଲ -୪ ନୂଆ ମଇଁଷିଗୋଠ ନିକଟରୁ ଚଢଉ କରି ହରିଣ ମରିଥିବା ଅପରାଧରେ ୩ ଜଣ ଶିକାରୀଙ୍କୁ ଗରଫ କରାଯାଇଛି l ୩ ଜଣ ଆସାମୀଙ୍କୁ କୋର୍ଟ ଚାଲାଣ କରିବା ପରେ ଜାମିନ ନାମଞ୍ଜୁର ହେବାରୁ ହାଜତକୁ ପଠାଇ ଦିଆଯାଇଛି l

ଘଟଣାରୁ ପ୍ରକାଶ ଯେ, ଠାକୁରମୁଣ୍ଡା ବ୍ଲକ କେଶଡିହା ପଞ୍ଚାୟତ ମଣ୍ଡଳଝରି ଓ ଚିରୁପଦା ଗ୍ରାମର କିଛି ଶିକାରୀ ଶିମିଳିପାଳ ଅଭୟାରଣ୍ୟ ଏସଏଲ -୪ରେ ପ୍ରବେଶ କରି ହରିଣ ଶିକାର କରି ଭାଗ ବଣ୍ଟା କରି ମାଂସ ନେଇଯାଇଥିଲେ l ଖବରପାଇ ବନ ବିଭାଗ କର୍ମଚାରୀ ତନାଘନା କରି ୩ଜଣଙ୍କୁ ଗିରଫ କରିବାରେ ସଫଳ ହୋଇଥିଲେ l ସେମାନଙ୍କ ନିକଟରୁ ୧୦ଟି ଧନୁ, ୯ ଟି ତୀର, ଦୁଇଟି ହରିଣ ସିଙ୍ଗ ଜବତ ହୋଇଛି l ସେମାନଙ୍କ ନିକଟରେ ବାନ୍ଧୁକ ରହିଥିବା ସନ୍ଦେହ କରାଯାଉଥିଲେ ମଧ୍ୟ ତାଙ୍କ ଘର ଖାନତଲାସରୁ ବନ୍ଧୁକ ମିଳିନି l ଗିରଫ ସୁଦର୍ଶନ ପୂର୍ତ୍ତି (୩୬), କୁଶ ଶୁଣ୍ଢି (୨୫), ଦୁର୍ଯ୍ୟୋଧନ ପୂର୍ତ୍ତି (୫୫)ଙ୍କୁ ୨୦ତାରିଖରେ କୋର୍ଟ ଚାଲାଣ କରାଯାଇଛି l