ନୂଆଦିଲ୍ଲୀ,୨୬।୯: ଲେବାନନ୍‌ରେ ଉଗ୍ରବାଦୀ ସଂଗଠନ ହିଜବୁଲା ଉପରେ ଇସ୍ରାଏଲର ଆକ୍ରମର ଜାରି ରହିଛି। ଇସ୍ରାଏଲ ଗତ ଏକ ସପ୍ତାହ ଭିତରେ ୨୦୦୦ ରୁ ଅଧିକ ଏୟାରଷ୍ଟ୍ରାଇକ୍ କରିଛି ଓ ଏପର୍ଯ୍ୟନ୍ତ ପ୍ରାୟ ୭୦୦ ଲୋକଙ୍କର ମୃତ୍ୟୁ ହୋଇସାରିଛି। କେବଳ ସେତିକି ନୁହେଁ ଇସ୍ରାଏଲ ସେନା ଏବେ ନିଜର ଯବାନଙ୍କୁ ସୀମା ନିକଟରେ ରହିବାକୁ ନିର୍ଦେଶ ଦେଇଛି। ଇସ୍ରାଏଲର କହିବା ଅନୁସାରେ, ହମାସ ପକ୍ଷରୁ ଆକ୍ରମଣ କରି ହିଜୁବଲା ସହ ମୁକାବିଲ କରିବାକୁ ପ୍ରସ୍ତୁତି କରୁଛି। ଯଦି ଏଭଳି ହୁଏ ତେବେ ଭୟଙ୍କର ଯୁଦ୍ଧ ହେବ। କାରଣ ହିଜବୁଲା ମଧ୍ୟ ଦୁନିଆର ସବୁଠାରୁ ବଡ଼ ଉଗ୍ରବାଦୀ ସଂଗଠନ। ତା ପାଖରେ ସବୁ ଦେଶର ବଡ ସେନା ରହିଛି ଓ ଏକ ଲକ୍ଷ ଉଗ୍ରବାଦୀ ମୁକାବିଲା କରିବାକୁ ମଧ୍ୟ ପ୍ରସ୍ତୁତ ଅଛନ୍ତି।

ଏହା ଭିତରେ ସ୍ଥିତି ଏଭଳି ହୋଇଯାଇଛି ଯେ, ଭାରତ ମଧ୍ୟ ନିଜ ନାଗରିକଙ୍କୁ ତୁରନ୍ତ ଲେବାନନ୍‌ ଛାଡିବାକୁ କହିଛି। ଏହାଛଡା ସେହି ଲୋକଙ୍କୁ ଯାତ୍ରା ଘୁଞ୍ଚାଇବାକୁ କୁହାଯାଇଛି,ଯେଉଁମାନେ ନିକଟରେ ଲେବାନନ୍ ଯିବାକୁ ଚାହୁଁଥିଲେ। ସ୍ଥିତି ଏଭଳି ହୋଇଯାଇଛି ଯେ,ଇସ୍ରାଏଳ ଓ ଲେବାନନ୍‌ ଏହି ଯୁଦ୍ଧରେ ଆମେରିକା, ୟୁରୋପରୁ ନେଇ ଏସିଆ ପର୍ଯ୍ୟନ୍ତ ପ୍ରଭାବିତ ହୋଇପାରେ। ଗୋଟିଏ ପଟେ ଆମେରିକା ମଧ୍ୟ ପୂର୍ବରେ ଅତିରିକ୍ତ ସେନା ପଠାଇବାର ଘୋଷଣା କରିଛି। ସେଭଳି ଇରାନ କହିଛି, ହିଜବୁଲା ଉପରେ ଯଦି ସ୍ଥଳ ସେନା ଆକ୍ରମଣ କରେ ତେବେ ଆମେ ତା’ର ସାହାଯ୍ୟ କରିବୁ। 

ଉଲ୍ଲେଖନୀୟ ଯେ, ବୁଧବାର ହିଜବୁଲା ଇସ୍ରାଏଲର ତେଲ୍ ଅବିଭ୍ ପର୍ଯ୍ୟନ୍ତ ଟାର୍ଗେଟ କରିଥିଲା। ଏକ ଏୟାରଷ୍ଟ୍ରାଇକ୍‌  ତ ସେ ଇସ୍ରାଏଲର ଗୁଇନ୍ଦା ଏଜେନ୍ସିକୁ ମୋସାଦ୍ ଅଫିସ ପର୍ଯ୍ୟନ୍ତ କରିଥିଲା। ଏଥିପାଇଁ ସେ ବାଲାଷ୍ଟିକ୍ ମିସାଇଲର ବ୍ୟବହାର କରିଥିଲା। ଏବେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ କହିଛନ୍ତି, ବମ ସେନା ସେ ପର୍ଯ୍ୟନ୍ତ ଅଟକିବ ନାହିଁ, ଯେଉଁ ପର୍ଯ୍ୟନ୍ତ ହିଜବୁଲାକୁ ଶେଷ କରି ଦିଆ ନଯାଇଛି। ସେଭଳି ଆମେରିକା ନିଜ ସୈନିକଙ୍କ ସଂଖ୍ୟା ବଢାଇବା ନେଇ ମଧ୍ୟ ଘୋଷଣା କରିଛି, କିନ୍ତୁ ଇସ୍ରାଏଲକୁ ଅଲ୍ ଆଉଟ୍‌ ଓ୍ବାରରୁ ବଞ୍ଚିବା ପାଇଁ ମଧ୍ୟ ପରାମର୍ଶ ଦେଇଛି।