ନୀଳଗିରି,୨୧/୧୧(ଆ.ପ୍ର):ବାପାକୁ ପିଟିପିଟି ମାରିଦେଲେ ପୁଅ ଓ ବୋହୂ । ଏଭଳି ଅଭିଯୋଗ ଆଣିଲେ ମୃତକଙ୍କ ଝିଅ। ନୀଳଗିରି ଥାନା ଶ୍ୟାମସୁନ୍ଦରପୁର ପଞ୍ଚାୟତ ଅଧିନ ଓତାସାହି ଅଞ୍ଚଳରୁ ଏଭଳି ଅଭିଯୋଗ ଥାନାରେ ହୋଇଛି। ଅଭିଯୋଗ ପାଇବା ପରେ ପୋଲିସ ମୃତଦେହ ଜବତ କରିଛି।
ସୂଚନାଯୋଗ୍ୟ ଔପଦା ବ୍ଲକ ଅଧିନ ଶ୍ୟାମସୁନ୍ଦରପୁର ପଞ୍ଚାୟତ ଓତାସାହି ଗ୍ରାମର ରାମ ଚନ୍ଦ୍ର ପଣ୍ଡାଙ୍କର ଦେହାନ୍ତ ହୋଇଥିଲା। ତାଙ୍କର ମରଶରୀରକୁ ସ୍ୱର୍ଗଦ୍ୱାର ଅନ୍ତିମ ସଂସ୍କାର ପାଇଁ ନେବା ପାଇଁ ସଜବାଜ ଚାଲିଥିଲା।ହେଲେ ବାପାଙ୍କୁ ପୁଅ ଏବଂ ବୋହୁ ପିଟି ପିଟି ମାରିଥିବା ଝିଅ ସୁକାନ୍ତୀ ଦାସ ଥାନାରେ ଅଭିଯୋଗ କରିଥିଲେ ।ନୀଳଗିରି ପୋଲିସ ଅଭିଯୋଗ ପାଇଲା ପରେ ଅଧା ରାସ୍ତାରୁ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ଆଣିଛି। ତେବେ ରାମଚନ୍ଦ୍ରଙ୍କ ପୁଅଙ୍କୁ ଏ ସମ୍ପର୍କରେ ପଚାରିବାରୁ ସେ ଏହାକୁ ଖଣ୍ଡନ କରିଛନ୍ତି।
