ପ୍ରମୂଖ ଖବର
  • ରାଜ୍ୟ ବଜେଟ୍ ଉପସ୍ଥାପିତ, ଧାନ କ୍ବିଣ୍ଟାଲ ୩୧ ଶହ ଟଙ୍କା
  • ||
  • ୨୬ରେ ଅଲିମ୍ପିକ୍ସ ଉଦ୍‌ଘାଟନୀ ଉତ୍ସବ: ଅଷ୍ଟ୍ରେର୍ଲିଜ ପୋଲରୁ ଆରମ୍ଭ, ଆଇଫିଲ୍‌ ଟାୱାରରେ ଶେଷ
  • ||
  • ମୋହନ ସରକାରଙ୍କ ପ୍ରଥମ ବଜେଟ୍, ୨୦୨୪-୨୫ ପାଇଁ ଆସିବ ପୂର୍ଣ୍ଣାଙ୍ଗ ବଜେଟ୍ ଅପରାହ୍ନ ୫ଟା ଉପସ୍ଥାପନ
  • ||
  • ଆସନ୍ତା ୨୭ରେ ଲଘୁଚାପ, ୨୯ ଯାଏ ବର୍ଷା ସମ୍ଭାବନା: ଆଜି ତିନି ଜିଲ୍ଲାକୁ ଆଲର୍ଟ ଜାରି
  • ||

ଭାରତ-ପାକିସ୍ତାନ ମ୍ୟାଚକୁ ନେଇ ପୁଣି ଆଶଙ୍କା, ଚିନ୍ତା ବଢ଼ାଇଲା କଲୋମ୍ବୋରେ ପ୍ରବଳ ବର୍ଷା

କଲୋମ୍ବୋ, ୦୭/୦୯: ଏସିଆ କପର ତୃତୀୟ ମୁକାବିଲା ଭାରତ-ପାକିସ୍ତାନ ମଧ୍ୟରେ ହୋଇଥିବା ବେଳେ ବର୍ଷା ଯୋଗୁଁ ରଦ୍ଦ ହୋଇଥିଲା । ଏବେ ଭାରତ-ପାକିସ୍ତାନ ମଧ୍ୟରେ ରବିବାର ଖେଳାଯିବାକୁ ଥିବା ମ୍ୟାଚ୍ ଉପରେ ବର୍ଷା ବିପଦ ଘନେଇବାରେ ଲାଗିଛି । ସୁପର୍-୪ର ତୃତୀୟ ମୁକାବିଲା କଲୋମ୍ବୋରେ ଖେଳାଯିବ । ଏବେ କଲୋମ୍ବୋରେ ପ୍ରବଳ ବର୍ଷା ହେଉଥିବାରୁ ଚିନ୍ତା ବଢ଼ିବାରେ ଲାଗିଛି । 

୧୦ ସେପ୍ଟେମ୍ବରରେ କଲୋମ୍ବୋରେ ଭାରତ-ପାକିସ୍ତାନ ମୁହାଁମୁହିଁ ହେବେ । କିନ୍ତୁ ପ୍ରବଳ ବର୍ଷା ପାଇଁ ପିଚ୍ ଓ ପଡ଼ିଆର ପ୍ରସ୍ତୁତି ପ୍ରଭାବିତ ହୋଇଛି । ଯାହାକୁ ନେଇ ବେଶ୍ ସମସ୍ୟାର ସମ୍ମୁଖୀନ ହେଉଛନ୍ତି ଗ୍ରାଉଣ୍ଡ ଷ୍ଟାଫ୍ । ଭାରତୀୟ ଖେଳାଳି ବର୍ଷା ଯୋଗୁଁ ଅଭ୍ୟାସ୍ କରିପାରୁ ନାହାନ୍ତି । ଉଭୟ ଦଳ ମଧ୍ୟରେ ପୂର୍ବ ମ୍ୟାଚ୍ ପଲ୍ଲେକଲରେ ଖେଳା ଯାଇଥିବା ବେଳେ ବର୍ଷା ବାଧକ ସାଜିଥିଲା ।

ପାକିସ୍ତାନର ବ୍ୟାଟିଂ ବେଳେ ବନ୍ଦ ହୋଇଗଲା ଫ୍ଲଡଲାଇଟ୍, ପ୍ରାୟ ଅଧଘଣ୍ଟା ବନ୍ଦ ରହିଲା ଖେଳ

ଏସିଆ କପ୍ ୨୦୨୩ ସମ୍ପୂର୍ଣ୍ଣ ଭାବେ ବର୍ଷା ଯୋଗୁଁ ପ୍ରଭାବିତ ହୋଇଛି । ମିଡିଆ ରିପୋର୍ଟ ଅନୁସାରେ, ବର୍ଷା ପାଇଁ ଷ୍ଟାଡିୟମ୍ ପରିବର୍ତ୍ତନ ହୋଇପାରେ । ତେବେ ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ଏକ ରିପୋର୍ଟ ଅନୁସାରେ, ଭାରତ ଓ ପାକିସ୍ତାନ ମ୍ୟାଚ୍ କଲୋମ୍ବୋ ପରିବର୍ତ୍ତେ ହମ୍ବନଟୋଟାରେ ଖେଳା ଯାଇପାରେ । ତେବେ ଭେନ୍ୟୁ ବଦଳିବ କି ନାହିଁ ସେନେଇ କୌଣସି ଔପଚାରିକ ସୂଚନା ମିଳି ନାହିଁ ।

ଏସିଆ କପ୍ ୨୦୨୩ର ସୁପର ୪ରେ ୪ଟି ଟିମ୍ ସ୍ଥାନ ପକ୍କା କରିଛନ୍ତି । ଭାରତ, ପାକିସ୍ତାନ, ବାଂଲାଦେଶ ଓ ଶ୍ରୀଲଙ୍କା ଟିମ୍ ସୁପର୍ ୪ରେ ପହଞ୍ଚିଛନ୍ତି । ଆଫଗାନିସ୍ତାନ ଓ ନେପାଳ ଟୁର୍ଣ୍ଣାମେଣ୍ଟରୁ ବାହର ହୋଇ ଯାଇଛନ୍ତି । ଭାରତର ପ୍ରଥମ ମ୍ୟାଚ୍ ବର୍ଷାରେ ଧୋଇ ଯାଇଥିଲା । ଫଳରେ ପାକିସ୍ତାନ ଓ ଭାରତକୁ ଗୋଟିଏ ଲେଖାଏ ପଏଣ୍ଟ ମିଳିଥିଲା । ଦ୍ୱିତୀୟ ମ୍ୟାଚରେ ଭାରତ ୧୦ ୱିକେଟରେ ନେପାଳକୁ ହରାଇ ସୁପର୍ ୪ରେ ପହଞ୍ଚିଥିଲା ।

World Cup 2023: ବିଶ୍ୱକପ୍ ପାଇଁ ବିସିସିଆଇ ବିକ୍ରି କରିବ ୪ ଲକ୍ଷ ଟିକେଟ୍, ଜାଣନ୍ତୁ କେବେଠୁ କିଣିବେ...

  • ind vs pak
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.