ମୁମ୍ୱାଇ –ଭୂମି ପେଡନେକର ବଲିଉଡ୍ର ସଫଳ ଅଭିନେତ୍ରୀଙ୍କ ମଧ୍ୟରେ ଜଣେ। ସେ ବିନା କୌଣସି ଗଡ଼ ଫାଦରରେ ନିଜର ପରିଶ୍ରମ ବଳରେ ଇଣ୍ଡଷ୍ଟ୍ରୀରେ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି। ତାଙ୍କୁ ତାଙ୍କର ଆକ୍ଟିଂ ଓ ଗ୍ଲାମରସ୍ ଅନ୍ଦାଜ ପାଇଁ ଜଣାଯାଏ। ଅନେକ ସମୟରେ ଦେଖା ଯାଇଛି କି ସେ ଏମିତି ଭାବେ ଆକ୍ଟିଂ କରିଥାନ୍ତି , ଯାହାକୁ ନେଇ ଚର୍ଚ୍ଚାରେ ଥାନ୍ତି। ଫିଲ୍ମ ଥ୍ୟାଙ୍କ୍ ୟୁ ଫର କମିଂ ପରେ ଏବେ ସେ ଅପକମିଂ ଫିଲ୍ମ ଭକ୍ଷକ୍ କୁ ନେଇ ଚର୍ଚ୍ଚାରେ। ଏଥିରେ ତାଙ୍କର ଜବରଦସ୍ତ ରୋଲ୍ ରହିଛି। ଏହାକୁ ପ୍ରଶଂସକମାନେ ଖୁବ୍ ଅପେକ୍ଷା କରି ରହିଛନ୍ତି। ଏହାର ଟ୍ରେଲର ରିଲିଜ ହୋଇ ସାରିଛି। ଏହି ମଧ୍ୟରେ ଭୂମି ଖୁଲାସା କରିଛନ୍ତି କି, ସେ ୧୪ ବର୍ଷ ବୟସରେ ଦୁର୍ବ୍ୟବହାରର ଶିକାର ହୋଇଥିଲେ। ଯାହାକୁ ନେଇ ସେ ଖୁବ୍ ଯନ୍ତ୍ରଣା ଅନୁଭବ କରିଥିଲେ।
ଉଲ୍ଲେଖନୀୟ ଯେ , ଭୂମି ପେଡନେକର ଏହି ସମୟରେ ଫିଲ୍ମ ଭକ୍ଷକ ର ପ୍ରମୋସନରେ ବ୍ୟସ୍ତ ଅଛନ୍ତି। ସେ Hauterrflyକୁ ଦେଇଥିବା ସାକ୍ଷାତକାରରେ ଏହି କଳା ଦିନକୁ ମନେପକାଇଛନ୍ତି ଏବଂ କହିଛନ୍ତି କି, ସେ ୧୪ ବର୍ଷ ବୟସରେ ହାରାସମେଣ୍ଟର ଯନ୍ତ୍ରଣାର ଶିକାର ହୋଇଥିଲେ। ଅଭିନେତ୍ରୀ କହିଛନ୍ତି କି - ଏହି ଘଟଣାରୁ ସେ ଏବେସୁଦ୍ଧା ବାହାରି ପାରିନାହାନ୍ତି।
ଘଟଣା ବିଷୟରେ ଅଭିନେତ୍ରୀ କହିଛନ୍ତି , ସେଦିନ ବାନ୍ଦ୍ରାରେ ମେଳା ହେଉଥିଲା। ତାଙ୍କୁ ପାଖାପାଖି ୧୪ ବର୍ଷ ହୋଇଥିଲା। ସେହି ସମୟରେ ସେ ପରିବାର ସହ ଯାଉଥିଲେ। ତାଙ୍କୁ ଜଣାଥିଲା କି କଣ ହେଉଛି। ସେ ଏହି ଘଟଣାରେ ଅଜଣା ନଥିଲେ। ଅଭିନେତ୍ରୀ ଚାଲୁଥିଲେ ଏବଂ କେହି ତାଙ୍କର ପଛକୁ ସ୍ପର୍ଶ କରୁଥିଲା।
ଭୂମି ଯେତେବେଳେ ପଛକୁ ବୁଲି ଦେଖିଲେ , ସେ ଭିଡ଼ ଯୋଗୁଁ ଜାଣି ପାରିଲେ ନାହିଁ , ଏମିତି ହରକତ କିଏ କରିଛି। କିଏ ତାଙ୍କୁ ବାରମ୍ୱାର ଭୁଲ୍ ତରିକାରେ ଛୁଇଁବାକୁ ଚେଷ୍ଟା କରୁଛି। ସେ ତାଙ୍କ ପରିବାର ସହ ଥିଲେ , ସେଠାରେ ବହୁତ ଲୋକ ଥିଲେ ଏବଂ ବିଲ୍ଡିଂର ପିଲା ବି ଥିଲେ , ତ ଏଥିପାଇଁ ଅଭିନେତ୍ରୀ ଉକ୍ତ ଘଟଣା ବିଷୟରେ କାହାକୁ ବି କିଛି କହିନଥିଲେ । କିନ୍ତୁ ଏହି ଘଟଣା ପରେ ସେ ଅବସାଦରେ ଥିଲେ।
