ପାଟଣା, ୨୬/୦୧: ବିହାରର ସରକାର ପରିବର୍ତ୍ତନ ଚର୍ଚ୍ଚା ଭିତରେ ରାଜଭବନରେ ପହଞ୍ଚିଛନ୍ତି ମୁଖ୍ୟମନ୍ତ୍ରୀ ନୀତିଶ କୁମାର । ଶୁକ୍ରବାର ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଅର୍ଲେକରଙ୍କ ସହ ରାଜଭବନରେ ଆଟ୍ ହୋମ୍ ରିସେପସନ୍ କାର୍ଯ୍ୟକ୍ରମରେ ସାମିଲ୍ ହୋଇଛନ୍ତି ନୀତିଶ । ତେବେ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କ ସହ ଆରଜେଡିର ସମସ୍ତ ବିଧାୟକ ରାଜ୍ୟପାଳଙ୍କ ଟି ପାର୍ଟିରେ ସାମିଲ୍ ହୋଇ ନାହାନ୍ତି ।
ଜେଡିୟୁ ଓ ଆରଜେଡି ମଧ୍ୟରେ ବିଗତ କିଛିଦିନ ହେଲା ସମ୍ପର୍କ ନେଇ ଉତ୍ତମ ସଂକେତ ମିଳୁ ନାହିଁ । ଏବେ ଚର୍ଚ୍ଚା ହେଉଛି, ନୀତିଶ କୁମାର ରବିବାର ନୂଆ ସରକାର ଗଠନ କରି ପାରନ୍ତି । କୁହାଯାଉଛି ନୀତିଶ କୁମାର ପଟ୍ଟ ପରିବର୍ତ୍ତନ କରି ବିଜେପିରେ ମିଶି ପୁଣି ସରକାର ଗଢ଼ି ପାରନ୍ତି । ନୀତିଶ କୁମାର ଆଗାମୀ ୩ରୁ ୪ ଦିନ ଲାଗି ପର୍ଯ୍ୟନ୍ତ ସମସ୍ତ କାର୍ଯ୍ୟକ୍ରମକୁ ରଦ୍ଦ କରି ଦେଇଛନ୍ତି ।
#WATCH पटना: बिहार के राज्यपाल राजेंद्र विश्वनाथ अर्लेकर और मुख्यमंत्री नीतीश कुमार राजभवन में 'एट होम' रिसेप्शन कार्यक्रम में शामिल हुए। pic.twitter.com/g3kgGFBYMg
— ANI_HindiNews (@AHindinews) January 26, 2024
ବିହାରରେ ସରକାର ପରିବର୍ତ୍ତନ ଚର୍ଚ୍ଚା ଭିତରେ ଜାନୁଆରୀ ୨୬ରେ ଦେଖିବାକୁ ମିଳିଥିଲା ଭିନ୍ନ ଚିତ୍ର । ପାଟଣାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନୀତିଶ ଓ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଦୁହେଁ ଦୁହିଁଙ୍କ ଠାରୁ ଦୂରତା ରକ୍ଷା କରୁଥିବା ଦେଖା ଯାଇଥିଲା । ଉଭୟ ପରସ୍ପର ଠାରୁ ଦୂରରେ ବସିଥିଲେ । ଯେତେବେଳେ କି ମୁଖ୍ୟମନ୍ତ୍ରୀଙ୍କ ନିକଟରେ ଏକ ଚୌକି ଖାଲି ପଡ଼ିଥିଲା ।
ତେବେ ସମସ୍ତ ଚର୍ଚ୍ଚାକୁ ଆରଜେଡି ଖଣ୍ଡନ କରିଛି । ବିହାରର ବର୍ତ୍ତମାନର ରାଜନୈତିକ ସ୍ଥିତି ଓ ଇଣ୍ଡିଆ ମେଣ୍ଟ ନେଇ ଆରଜେଡି ସାଂସଦ ମନୋଜ କୁମାର ଝା କହିଛନ୍ତି, ୨୦୨୨ ଅଗଷ୍ଟ ୯ରେ ଯେତେବେଳେ ମେଣ୍ଟ ଗଠନ ହୋଇଥିଲା ତାର ଇଟା ଲାଲୁ ଯାଦବ, ନୀତିଶ କୁମାର ଓ ତେଜସ୍ୱୀ ଯାଦବ ରଖିଥିଲେ । ମୂଳ ଲକ୍ଷ୍ୟ ଥିଲା ବିଜେପିର ଭୟ ଓ ଘୃଣା ରାଜନୀତିକୁ ସମାପ୍ତ କରିବା ।
