ନୂଆଦିଲ୍ଲୀ : ରାଜଧାନୀ ଦିଲ୍ଲୀରେ ଶୁକ୍ରବାର ସୁଦ୍ଧା ବାୟୁର ମାନରେ କିଛି ମାତ୍ରାରେ ସୁଧାର ଆସିଛି। ଦିଲ୍ଲୀ-ଏନସିଆରରେ ବର୍ଷା ଯୋଗୁଁ ଏକ୍ୟୁଆଇରେ ଖୁବ୍ ହ୍ରାସ ଘଟିଥିବା ରେକର୍ଡ କରାଯାଇଛି। ଏଥିରେ ଦିଲ୍ଲୀ ସରକାର ଅଡ୍-ଇଭିନ୍ ନିୟମ ଲାଗୁ କରିବା ନିଷ୍ପତ୍ତିକୁ ଏବେ ଏଡେଇ ଦେଇଛନ୍ତି। ଏନେଇ ଦିଲ୍ଲୀର ପରିବେଶ ମନ୍ତ୍ରୀ ଗୋପାଳ ରାୟ ସୂଚନା ଦେଇଛନ୍ତି।
ଗୋପାଳ ରାୟ କହିଛନ୍ତି , କାଲି ରାତିରୁ ଦିଲ୍ଲୀ ଭିତର ପାଣିପାଗରେ ପରିବର୍ତ୍ତନ ହୋଇଛି। ଦିଲ୍ଲୀରେ ଗତ ୮-୧୦ ଦିନ ହେବ ବାୟୁର ଗତି ଖୁବ୍ ଖରାପ ସ୍ଥିତିରେ ଥିଲା। ତାପମାତ୍ରା ନିମ୍ନସ୍ତର ଥିଲା , ପ୍ରଦୂଷଣର ସ୍ତରରେ ଲଗାତାର ବୃଦ୍ଧି ପାଉଥିଲା। ଦିଲ୍ଲୀରେ ପ୍ରଦୂଷଣର ସ୍ଥିତି ଗମ୍ଭୀର ପ୍ଲସ କୁ ଚାଲି ଯାଇଥିଲା। ଏହି ସ୍ଥିତିରେ ବର୍ଷା ହେବା ଯୋଗୁଁ ପ୍ରଦୂଷଣର ସୁଧାର ନଜର ଆସଛି। ଏବେ ୪୫୦ ଅତିକ୍ରମ କରି ସାରିଥିବା ପ୍ରଦୂଷଣ ସ୍ତର ହ୍ରାସ ପାଇଁ ପାଖାପାଖି ୩୦୦ ଯାଏ ପହଞ୍ଚିଛି। ଏହାକୁ ଦେଖି ଏବେ ସରକାର ଏହି ନିଷ୍ପତ୍ତି ନେଇଛନ୍ତି କି,୧୩ (ନଭେମ୍ୱର) ତାରିଖରୁ ନେଇ ୨୦( ନଭେମ୍ୱର)ତାରିଖ ଯାଏ ଯେଉଁ ଅଡ୍-ଇଭିନ୍ ନିୟମ ଲାଗୁ କରିବାର ନିଷ୍ପତ୍ତି ଥିଲା , ଏହାକୁ ସ୍ଥଗିତ ରଖାଯାଉଛି।
ଗୋପାଳ ରାୟ ଆହୁରି କହିଛନ୍ତି , ଦୀପାବଳି ପରେ ଦିଲ୍ଲୀ ପ୍ରଦୂଷଣ ସ୍ଥିତିର ସମୀକ୍ଷା କରାଯିବ। ଅର୍ଥାତ୍ ଦିଲ୍ଲୀରେ ୨୦ ନଭେମ୍ୱର ସୁଦ୍ଧା ଅଡ୍-ଇଭିନ୍ ନିୟମକୁ ରୋକି ଦିଆ ଯାଇଛି। ଏହି ନିୟମକୁ ନେଇ ଦୀପାବଳି ପରେ ମିଟିଂ କରାଯିବ, ଯେଉଁଥିରେ ଏହାକୁ ୨୦ ତାରିଖ ପରେ ଲାଗୁ କରାଯିବା ନା ନାହିଁ ଏହାକୁ ନେଇ ନିଷ୍ପତ୍ତି ନିଆଯିବ।
କହି ରଖୁଛୁ କି , ବାୟୁ ପ୍ରଦୂଷଣର ବିପଜ୍ଜନକ ସ୍ତର ଓ ଧୂଆଁରେ ଗତ ୧୦ ଦିନ ହେବ ସମସ୍ୟାରେ ପଡ଼ିଥିବା ଦିଲ୍ଲୀବାସୀଙ୍କୁ ଗୁରୁବାର , ରାତି ସାରା ହୋଇଥିବା ବର୍ଷା କାରଣରୁ ଆଶ୍ୱସ୍ତି ମିଳିଛି ଏବଂ ରାଷ୍ଟ୍ରୀୟ ରାଜଧାନୀରେ ବାୟୁ ଗୁଣବତ୍ତାରେ ଶୁକ୍ରବାର ସକାଳେ ସ୍ପଷ୍ଟ ସୁଧାର ଦେଖିବାକୁ ମିଳିଛି।
