ବାରିପଦା ୬/୨: ପୁଣି ଶିମିଳିପାଳରେ ଶିକାରୀଙ୍କୁ  ମାଡ଼ି ବସିଲା ବନ ବିଭାଗ l ହାତୀଦାନ୍ତ କାରବାର ନିମନ୍ତେ ଡିଲ ହେବା ବେଳକୁ ସବୁ ଫସର୍ ଫାଟିଗଲା। ୩୦ କିଗ୍ରା ଓଜନର ଦୁଇଟି ହାତୀ ଦାନ୍ତ ଜବତ କରିବା ସହ ସଂପୃକ୍ତ ୧୦ ଅଭିଯୁକ୍ତଙ୍କୁ ବନ ବିଭାଗ ଟିମ ମାଡି ବସିଛି ।   ଅଭିଯୁକ୍ତମାନେ ହେଲେ  ଯଶିପୁର ଥାନା ଅନ୍ତର୍ଗତ ସାଉଁପାଳ ଗ୍ରାମର ଘାସିରାମ ଜେରାଇ (୪୫), ଧାରୁଆ ବେଡା ଗ୍ରାମର ଆନନ୍ଦ କରାଇ (୫୫), ଶିବଶଙ୍କର ବାନରା (୫୫), ନୂଆଗାଁ ଗ୍ରାମର ନରେନ୍ଦ୍ର ବନରା (୫୩),  ଟମକଶିଳା ଗ୍ରାମର ଚାକୁ ଆଲଦା (୩୫), ଖେଜୁରି ଗ୍ରାମର ଡାବ୍ରା ଭଦ୍ରା (୪୫), ଡବ୍ରା ଭଦ୍ରା ର ପୁଅ ବେଗ୍ରା ଭ ଦ୍ରା (୨୧), ଡବ୍ରା ଭଦ୍ରାର ଅନ୍ୟ ଏକ ପୁଅ ପପୁଲା ଭଦ୍ରା (୨୨), କାଣ୍ଡବିଲ ଗ୍ରାମର ସନାତନ ଭଦ୍ରା (୨୪), ଏବଂ ଠାକୁର ଗୋଡା ଗ୍ରାମର ମାର୍କଣ୍ଡ ହୋ (୨୩)। 

ସୂଚନା ମୁତାବକ ପୂର୍ବରୁ ଏକ ବିଶ୍ଵସ୍ତ ସୂତ୍ରରୁ ହାତୀ ଦାନ୍ତ କାରବାର ସମ୍ପର୍କ ରେ ଖବର ପାଇ ଏସଟିପିଏଫ, ଜେଟିଏଫ, ବନକର୍ମଚାରୀମାନେ ମିଳିତ ଭାବେ  ଯଶିପୁର ଅଞ୍ଚଳରେ ଚଢ଼ାଉ କରିଥିଲେ।  ଅପରାଧୀମାନେ ହାତୀ ଦାନ୍ତ ନେଇ ଆସୁଥିବା ଥିବା ବେଳେ ସତର୍କ ଥିବା ବନବିଭାଗ ହାତୀ ଦାନ୍ତ ଜବତ କରିବା ସହ ଅଭିଯୁକ୍ତ ମାନଙ୍କୁ  କାବୁ କରିଥିଲା। ସେମାନଙ୍କ ନିକଟରୁ ୩୦କିଲୋ ୯ଗ୍ରାମର ଦୁଇଟି ବଡ଼ ହାତୀ ଦାନ୍ତ ଜବତ ହୋଇଛି।  ହାତୀ ଦାନ୍ତ ଚୋରା ଚାଲାଣର ଚେର କେତେ ପର୍ଯ୍ୟନ୍ତ ଲମ୍ବିଛି ଏ ନେଇ ବନ ବିଭାଗ ତରଫରୁ ଅଧିକ ତଦନ୍ତ ଜାରି ରହିଛି।