ମାଲକାନଗିରି,୨୮/୧ : ମାଲକାନଗିରି ଜିଲ୍ଲାର ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ତଥା ବିଜେଡି ଦଳର ବରିଷ୍ଠ ମହିଳା ନେତ୍ରୀ ପଦ୍ମିନୀ ମୁଦୁଲି(୬୭)ଙ୍କ ଆଜି ଭୋରୁ ହୃଦଘାତରେ ମୃତ୍ୟୁ ଘଟିଛି । ତାଙ୍କ ମୃତ୍ୟୁ ଶଯ୍ୟା ନିକଟରେ ଦୁଇ ପୁଅ ଲକ୍ଷ୍ମୀ ନାରାୟଣ ମୁଦୁଲି, ଶ୍ରୀନିବାସ ମୁଦୁଲି, ଝିଅ ଓ ବୋହୁ ନାତି ନାତୁଣୀମାନେ ଉପସ୍ଥିତ ଥିଲେ । ଗତ ୩ମାସ ପୂର୍ବରୁ ପଦ୍ମିନୀଙ୍କ ସ୍ୱାମୀ ନୀଳକଣ୍ଠଙ୍କ ଦେହାନ୍ତ ହୋଇଥିଲା। ୩ମାସ ମଧ୍ୟରେ ବାପା ଓ ମା’ଙ୍କୁ ହରାଇ ପରିବାର ଲୋକେ ଭାଙ୍ଗି ପଡ଼ିଛନ୍ତି।
ଶ୍ରୀମତୀ ମୁଦୁଲିଙ୍କ ମୃତ୍ୟୁ ଖବରପାଇ ସମଗ୍ର ଜିଲ୍ଲାରେ ଶୋକର ଛାୟା ଖେଳିଯାଇଛି । ତାଙ୍କ ବାସ ଭବନରେ ସବୁ ରାଜନୈତିକ ଦଳର ବରିଷ୍ଠ ନେତା, ବିଶିଷ୍ଟ ବ୍ୟକ୍ତି ବିଶେଷ ଓ ଜିଲ୍ଲାବାସୀ ପହଞ୍ଚି ଶେଷ ଦର୍ଶନ କରି ଅଶ୍ରୁଳ ଶଦ୍ଦାଞ୍ଜଳି ଜଣାଇଛନ୍ତି। ଶ୍ରୀମତୀ ମୁଦୁଲି ପ୍ରଥମେ ଗୋବିନ୍ଦପାଲୀ ପଞ୍ଚାୟତର ସରପଞ୍ଚ, ସମିତିସଭ୍ୟା, ଜିଲ୍ଲା ପରିଷଦ ଅଧ୍ୟକ୍ଷା ଭାବେ ନିର୍ବାଚିତ ହୋଇଥିଲେ । ମୃତଦେହକୁ ବିରାଟ ଶୋଭାଯାତ୍ରାରେ ଗୋବିନ୍ଦପାଲି ସହର ପରିକ୍ରମା କରାଯାଇ ସ୍ଥାନୀୟ ସ୍ମଶାନରେ ଶୋକାକୁଳ ପରିବେଶରେ ଶେଷକୃତ୍ୟ ସମ୍ପନ୍ନ କରାଯାଇଛି ।