ନୀଳଗିରି,୧୫/୧୧:ପ୍ରବାଦ ପୁରୁଷ ବିର୍ସା ମୁଣ୍ଡାଙ୍କ ଜନ୍ମ ଜୟନ୍ତୀ ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଜାମୁନା ଠାରେ ମହାସମାରୋହରେ ପାଳନ କରାଯାଇଛି।ମୁଖ୍ୟ ଅତିଥିଭାବେ ସଂସଦୀୟ କ୍ଷେତ୍ରର କଂଗ୍ରେସ ନେତା ନଵଜ୍ୟୋତି ପଟନାୟକଙ୍କ ଯୋଗଦାନ କରି ବିର୍ସା ମୁଣ୍ଡାଙ୍କ ପ୍ରତିମୂର୍ତ୍ତି ଉପରେ ପୁଷ୍ପମାଲ୍ୟ ଅର୍ପଣ କରିଥିଲେ।ବ୍ଲକ ସଭାପତି ମନୋରଞ୍ଜନ ପଣ୍ଡା ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବେ ବାଲେଶ୍ଵର ସଂସଦୀୟ କ୍ଷେତ୍ରର ନେତା ନଵଜ୍ୟୋତି ପଟ୍ଟନାୟକ ସହିଦଙ୍କ ସ୍ମତି ଚାରଣ କରିବା ସହିତ ଅଞ୍ଚଳର ଯୁବକମାନଙ୍କୁ ଜଣେ ଜଣେ ବିର୍ସା ମୁଣ୍ଡାଙ୍କ ଭାବେ ଗଢି ତୋଳି ସାହସୀ ହେବାକୁ ଆହ୍ୱାନ ଦେଇଥିଲେ।ମୁଖ୍ୟ ବକ୍ତାଭାବେ ଜିଲ୍ଲା କଂଗ୍ରେସ ସଭାପତି ସଂଜୀବ ଗିରି ମଧ୍ୟ ତାଙ୍କ ବକ୍ତବ୍ୟ ନୀଳଗିରି ଭଳି ଆଦିବାସୀ ଅଞ୍ଚଳର ବିକାଶ କଂଗ୍ରେସ ସମୟରେ ଆରମ୍ବ ହୋଇଥିବା ବେଳେ ପୁଣି ଥରେ ବିକାଶ କରିବାକୁ ହେଲେ କଂଗ୍ରେସ ସଙ୍ଗଠନ ସୁଦୃଢ଼ କରିବାକୁ କହିଥିଲେ।

ସମ୍ମାନ୍ନିତ ଅତିଥି ଭାବେ ଦୁଇ ପୁର୍ବତନ ବିଧାୟକ ଅକ୍ଷୟ କୁମାର ଆଚାର୍ଯ୍ୟ ଓ ଚିତ୍ତରଞ୍ଜନ ଷଡ଼ଙ୍ଗୀ,କଂଗ୍ରେସ ବିଧାୟକ ପ୍ରାର୍ଥୀନୀ ମନୋଜା ମଞ୍ଜରୀ ଦେବୀ ସହିଦ ବିର୍ସା ମୁଣ୍ଡାଙ୍କ ଜୀବନୀ ଉପରେ ଅଞ୍ଚଳବାସୀଙ୍କ ଦୃଷ୍ଟିକୁ ଆଣିଥିଲେ।ଏନଏସି କଂଗ୍ରେସ ସଭାପତି ଉପେନ୍ଦ୍ର ବେହେରା ଆବାବିର୍ଷା ବାବା ତିଲକା କ୍ରାନ୍ତି ଜ୍ୟୋତି ସଙ୍ଘର ସଭାପତି ଭୀମ ବେଶ୍ରା,ଆଦିବାସୀ ନେତା ସଞ୍ଜୟ ହେମ୍ରମ,ଛାତ୍ର କଂଗ୍ରେସ ସଭାପତି ଗୌତମ ସାହୁ,ଯୁବ କଂଗ୍ରେସ ସଭାପତି ଜୟଦେବ ବେହେରା ପ୍ରମୁଖ ମଂଚାଷୀନ ଥିଲେ।ଏହି ସମାରୋହରେ ହଜାର ହଜାର ଅଞ୍ଚଳବାସୀ ଉପସ୍ଥିତ ଅଛନ୍ତି।