ଗାନ୍ଧୀନଗର,୮/୨ :  ସ୍କୁଲରେ ‘ଭାଗବତ ଗୀତା’ ପଢା ହେବା ନେଇ ଗୁଜୁରାଟ ବିଧାନସଭାରେ ବୁଧବାର ପାରିତ ହୋଇଛି ବିଲ୍ । ଏଥର ସ୍କୁଲରେ ପଢା ହେବ ‘ଭାଗବତ ଗୀତା’ । ରାଜ୍ୟ ବିଜେପି ସରକାର ଅନୁରୋଧ କରିଛି କି ବାଧ୍ୟତାମୂଳକ ଭାବେ ଏହା ଉପରେ ପଦକ୍ଷେପ ନିଆଯିବା ଆବଶ୍ୟକ । ଛାତ୍ରଛାତ୍ରୀମାନଙ୍କ ଉପରେ ଏହାର ବେଶ୍ ପ୍ରଭାବ ପଡ଼ିବ । ଏଣୁ ଗଣଶିକ୍ଷା ବିଭାଗ ବର୍ତ୍ତମାନ ସ୍କୁଲରେ ‘ଭାଗବତ ଗୀତା’ ପଢାଇବାକୁ ନିଷ୍ପତ୍ତି ନେଇଛି । 

ଏହାକୁ ଆମ ଆଦମୀ ପାର୍ଟି ପକ୍ଷରୁ ସ୍ବାଗତ କରାଯାଇଛି ଏବଂ ଆଗକୁ ନେବା ଉପରେ ସାହାଯ୍ୟ କରିବ ବୋଲି କହିଛି । କଂଗ୍ରେସ ସଦସ୍ୟ ଏହାକୁ ପ୍ରଥମରୁ ବିରୋଧ କରୁଥିବାବେଳେ ପରେ କିନ୍ତୁ ଏହା ସପକ୍ଷରେ ଭୋଟ ଦେଇଥିଲେ । ଏଥିସହ ସରକାରଙ୍କ ପକ୍ଷରୁ ଗୃହରେ ଏହି ବିଲ୍ ପାରିତ ହୋଇଛି । ଗତ ଡିସେମ୍ବର ମାସରେ ଶିକ୍ଷା ବିଭାଗ ପକ୍ଷରୁ ଘୋଷଣା କରାଯାଇଥିଲା କି ‘ଶ୍ରୀମଦ ଭାଗବତ ଗୀତା’ ୬ଷଷ୍ଠରୁ ୧୨ପର୍ଯ୍ୟନ୍ତ ଆସନ୍ତା ଶିକ୍ଷା ବର୍ଷରୁ ଚାଲୁ ହେବ । ଗୃହରେ ଏହି ବିଲ୍ ସମ୍ପର୍କିତ ଶିକ୍ଷାମନ୍ତ୍ରୀ ପ୍ରଫୁଲ ପନସେରିୟା କହିଥିଲେ ।