ନୂଆଦିଲ୍ଲୀ,୧୬/୧୧: ଭାରତ-ବ୍ରିଟେନ ମଧ୍ୟରେ ମୁକ୍ତ ବାଣିଜ୍ୟ ରାଜିନାମା(ଏଫ୍ଟିଏ) ନେଇ ଖୁବ୍ଶୀଘ୍ର ପରବର୍ତ୍ତୀ ପର୍ଯ୍ୟାୟ ଆଲୋଚନା ଆରମ୍ଭ ହେବ । ଏହି ଆଲୋଚନା ମାଧ୍ୟମରେ ଅଟୋମୋବାଇଲ, ମେଡିକାଲ ଡିଭାଇସ୍ ଏବଂ ପ୍ରଫେସନାଲମାନଙ୍କ ସ୍ଥାନାନ୍ତର ନେଇ ଥିବା ବିବାଦଗୁଡ଼ିକର ସମାଧାନ ହୋଇପାରେ ।
ସରକାରୀ ଅଧିକାରୀମାନଙ୍କ ସୂଚନାନୁସାରେ, ୧୪ତମ ପର୍ଯ୍ୟାୟ ଆଲୋଚନା ପାଇଁ ବ୍ରିଟେନ୍ ପ୍ରତିନିଧି ଦଳ ଭାରତ ଆସିପାରନ୍ତି, ଯାହାଦ୍ୱାରା ବୁଝାମଣା ଖୁବ୍ଶୀଘ୍ର ଚୂଡ଼ାନ୍ତ ହେବ । ଜଣେ ଅଧିକାରୀ ନିଜ ନାମ ଗୋପନ ରଖି କହିଛନ୍ତି ଯେ, ଏକ ପୂର୍ଣ୍ଣାଙ୍ଗ ଆଲୋଚନା ପାଇଁ ଯୋଜନା ଚାଲିଛି । ୬୦ରୁ ୭୦ଟି ଅଧିବେଶନ ଏକସଙ୍ଗେ ହୋଇପାରେ ।
