ନୂଆଦିଲ୍ଲୀ – ଭାରତୀୟ ନୌସେନାର ନୂତନ ଯୁଦ୍ଧ ଜାହାଜ ‘ମହେନ୍ଦ୍ରଗିରି’ ଶୁକ୍ରବାର ଲଞ୍ଚ କରାଯାଇଛି। ଏହି ଲଞ୍ଚିଂ ଉପରାଷ୍ଟ୍ରପତି ଜଗଦୀପ ଧନଖଡ ଓ ତାଙ୍କ ପତ୍ନୀ ସୁଦେଶ ଧନଖଡ ମୁମ୍ୱାଇର ମଝଗାଓଁ ଡାକ ଶିପବିଲ୍ଡର୍ସ ଲିମିଟେଡ ଠାରେ କରିଛନ୍ତି। ଏହି ପ୍ରୋଜେକ୍ଟ ୧୭ଏ ର ୭ମ ଯୁଦ୍ଧ ଜାହାଜ। ଏହା ପୂର୍ବରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ୧୭ ଅଗଷ୍ଟରେ ଏହି ପ୍ରୋଜେକ୍ଟର ୬ଷ୍ଠ ଯୁଦ୍ଧ ଜାହାଜ ବିନ୍ଧ୍ୟଗିରିକୁ ଲଞ୍ଚ କରିଥିଲେ।
ପ୍ରୋଜେକ୍ଟ ୧୭ ଏ ଜାହାଜ ପ୍ରକଳ୍ପ , ପ୍ରୋଜେକ୍ଟ ୧୭ (ଶିବାଲିକ କ୍ଲାସ)କୁ ଆଗକୁ ନେଇଥିବା ପ୍ରକଳ୍ପ। ଏହି ପ୍ରକଳ୍ପରେ ସାମିଲ ଯୁଦ୍ଧ ଜାହାଜରେ ଅନେକ ପ୍ରକାରର ବିଶେଷତ୍ୱ ରହିଛି। ଏଥିରେ ଉନ୍ନତ ଶ୍ରେଣୀର ଅସ୍ତ୍ରଶସ୍ତ୍ର ବ୍ୟତୀତ , ସେନ୍ସର୍ସ ଓ ପ୍ଲାଟଫର୍ମ ମ୍ୟାନେଜମେଣ୍ଟ ସିଷ୍ଟମ ଅଛି। ଏହାସହ ଏଥିରେ ଖୁବ୍ ଗୋପନୀୟତା ସଂପର୍କୀତ ଅନ୍ୟ ଫିଚର ଉପରେ ମଧ୍ୟ ଧ୍ୟାନ ଦିଆଯାଇଛି। ପ୍ରୋଜେକ୍ଟ ୧୭ ଏ ଅନୁସାରେ ଗତ ୫ଟି ଯୁଦ୍ଧ ଜାହାଜକୁ ୨୦୧୯ ଓ ୨୨ ମଧ୍ୟରେ ଲଞ୍ଚ କରାଯାଇ ଥିଲା।
Aditya-L 1 ମିଶନ ପୂର୍ବରୁ ମନ୍ଦିର ଯାଇ ପୂଜା ଅର୍ଚ୍ଚନା କଲେ ଇସ୍ରୋ ମୁଖ୍ୟ , କହିଲେ – ଏବେ ଗଗନଯାନର ପାଳି
ମହେନ୍ଦ୍ରଗିରି ଯୁଦ୍ଧ ଜାହାଜର ବିଶେଷତ୍ୱ ବିଷୟରେ ଯଦି କହିବା ତ ଏହା ଖୁବ୍ ବିଶାଳ ଏବଂ ଶକ୍ତିଶାଳୀ। ଅଧିକାରୀଙ୍କ ମୁତାବିକ ଏହାର ଲମ୍ୱ ୧୪୯ମିଟର , ଚଉଡ଼ା ୧୭.୮ ମିଟର ଓ ଏହାର ଟପ୍ ସ୍ପିଡ୍ ୨୮ ନଟ୍ସ ହେବ। ମହେନ୍ଦ୍ରଗିରି ପ୍ରୋଜେକ୍ଟ ୧୭ ଏର ଶେଷ ଯୁଦ୍ଧ ଜାହାଜ । ପ୍ରକଳ୍ପ ଅନୁସାରେ ୪ଟି ଯୁଦ୍ଧ ଜାହାଜ ମଝଗାଓଁ ଡକ୍ରେ ତିଆରି କରାଯାଉଛି। ଏହା ବ୍ୟତୀତ ଅନ୍ୟ ଗୁଡ଼ିକ ଗାର୍ଡନ ରିଚ୍ ଶିପବିଲ୍ଡର୍ସ ଆଣ୍ଡ ଇଞ୍ଜିନିୟର୍ସ (ଜିଆଇରଏସଇ) କୋଲକାତାରେ ତିଆରି କରାଯାଉଛି। ପ୍ରୋଜେକ୍ଟ ୧୭ ଏ ଯୁଦ୍ଧଜାହାଜର ସବୁ ପ୍ରୋଜେକ୍ଟ ବର୍ତ୍ତମାନ ନିର୍ମାଣର ଭିନ୍ନ ଭିନ୍ନ ଅବସ୍ଥାରେ ରହିଛି। ଆଶା କରାଯାଉଛି କି ଏହାକୁ ୨୦୨୪ରୁ ୨୦୨୬ ମଧ୍ୟରେ ନୌସେନାକୁ ପ୍ରଦାନ କରାଯିବ।
ଚୀନର ମ୍ୟାପକୁ ଭାରତ ସହ ୪ ଦେଶର ବିରୋଧ, ଫିଲିପାଇନ୍ସ କହିଲା ‘ଅନ୍ତର୍ଜାତୀୟ ଆଇନର ଉଲ୍ଲଂଘନ’