ଭୁବନେଶ୍ୱର,୧୯/୧୧: ଶନିବାର ବସିବ ଅନ୍ତଃ ମନ୍ତ୍ରୀସ୍ତରୀୟ କମିଟି ବୈଠକ । ସନ୍ଧ୍ୟାରେ ଲୋକସେବା ଭବନଠାରେ ବିଭିନ୍ନ କଲେଜ ଅଧ୍ୟାପକ ଓ କର୍ମଚାରୀ ସଂଘ  ସହ ଆଲୋଚନା କରାଯିବ । ଅନ୍ତଃ ମନ୍ତ୍ରୀସ୍ତରୀୟ କମିଟି ଅଧ୍ୟକ୍ଷ ଓ ଅର୍ଥମନ୍ତ୍ରୀଙ୍କ  ଅଧ୍ୟକ୍ଷତାରେ ଏହି ବୈଠକ କରାଯିବ । ସେମାନଙ୍କର ଥିବା ବିଭିନ୍ନ ସମସ୍ୟା ଓ ଦାବି  ଉପରେ ଆଲୋଚନା କରାଯିବ । 

ଏହି ବୈଠକରେ ୪୮୮ ବର୍ଗ କଲେଜ ଅଧ୍ୟାପକ,  ଅଣଅଧ୍ୟାପକ, ଅଲ୍‌ ଓଡ଼ିଶା ୬୬୨ (ଯୁକ୍ତ ୨ ଓ ଯୁକ୍ତ ୩) ବେସରକାରୀ ଅଧ୍ୟାପକ ଓ  କର୍ମଚାରୀ ସଂଘ, ବେସରକାରୀ ଅନୁଦାନପ୍ରାପ୍ତ ଓ ଅଣଅନୁଦାନପ୍ରାପ୍ତ ଉଚ୍ଚ ମାଧ୍ୟମିକ  ସ୍କୁଲ୍‌ ଓ କଲେଜ ଶିକ୍ଷକ ଓ ଅଣଶିକ୍ଷକ (ଯୁକ୍ତ ୨ ଓ ଯୁକ୍ତ ୩) ସଂଘ, ରାଜ୍ୟ ବେସରକାରୀ ଅଧ୍ୟାପକ ଓ କର୍ମଚାରୀ ସଂଘ, ଅଣ ଅନୁଦାନପ୍ରାପ୍ତ ସଂସ୍କୃତ କଲେଜ  କର୍ମଚାରୀ ସଂଘ, ପଶ୍ଚିମ ଓଡ଼ିଶା ବେସରକାରୀ ଅନୁଦାନ ଓ ଅଣଅନୁଦାନ ପ୍ରାପ୍ତ  କଲେଜ (ଯୁକ୍ତ ୨ ଓ ଯୁକ୍ତ ୩) ଶିକ୍ଷକ ଓ ଅଣଶିକ୍ଷକ ସଂଘ କର୍ମକର୍ତ୍ତାମାନେ ଉପସ୍ଥିତ  ରହିବେ । ବୈଠକରେ ପ୍ରତ୍ୟେକ ସଂଘ ପକ୍ଷରୁ ସର୍ବାଧିକ ୨ଜଣ କର୍ମକର୍ତ୍ତା ଯୋଗ  ଦେଇପାରିବେ । ଏନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ଏସମସ୍ତ ସଂଘକୁ ଚିଠି କରାଯାଇଛି ।