ନୂଆଦିଲ୍ଲୀ ୨୯/୧୧: ଗତ ୨୦ ତାରିଖରୁ ଗୋଆରେ ଚାଲିଥିବା ୫୪ତମ ଇଣ୍ଟରନ୍ୟାସନାଲ୍ ଫିଲ୍ମ ଫେଷ୍ଟିଭାଲ୍ ଅଫ୍ ଇଣ୍ଡିଆ ଗତ ମଙ୍ଗଳବାର ଉଦ୍ଯାପିତ ହୋଇଛି । ଏ ଅବସରରେ ବିଭିନ୍ନ ବିଭାଗରେ ବିଜେତାଙ୍କୁ ସମ୍ମାନିତ କରାଯାଇଛି । ବିଶ୍ୱସ୍ତରରେ ଚମତ୍କାର ଫିଲ୍ମ ନିର୍ମାଣ କ୍ଷେତ୍ରରେ ଉତ୍କର୍ଷର ପ୍ରତୀକ ସ୍ୱରୂପ ଇରାନୀ ଫିଲ୍ମ ‘ଏଣ୍ଡଲେସ୍ ବର୍ଡର୍ସ’କୁ ଶ୍ରେଷ୍ଠ ଚଳଚ୍ଚିତ୍ର ଭାବେ ଗୋଲ୍ଡେନ୍ ପିକକ୍ ସମ୍ମାନ ମିଳିଛି । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅବ୍ୱାସ ଆମିନି । ଆମାଜନ୍ ପ୍ରାଇମ୍ ଭିଡିଓରେ ପ୍ରସାରିତ ସିରିଜ୍ ‘ପଞ୍ଚାୟତ’ ସିଜନ୍-୨ ଶ୍ରେଷ୍ଠ ଓଟିଟି ସମ୍ମାନ ଲାଭ କରିଛି ।
The fascinating series 'Panchayat Season 2' claims the Best OTT Award at #IFFI54, marking a well-deserved victory! Congratulations to the entire team for this monumental achievement! pic.twitter.com/8xZqiIV7pZ
— International Film Festival of India (@IFFIGoa) November 28, 2023
ଫିଲ୍ମ ‘କନ୍ତାରା’ ପାଇଁ ସ୍ୱତନ୍ତ୍ର ଜୁରି ସମ୍ମାନ ପାଇଛନ୍ତି ଅଭିନେତା-ନିର୍ଦ୍ଦେଶକ ରିଶଭ ଶେଟ୍ଟୀ । ସତ୍ୟଜିତ ରାୟ ଜୀବନବ୍ୟାପୀ କୃତିତ୍ୱ ସମ୍ମାନ ପାଇଛନ୍ତି ପ୍ରସିଦ୍ଧ ଆମେରିକୀୟ ଅଭିନେତା ଓ ଫିଲ୍ମ ପ୍ରଯୋଜକ ମାଇକେଲ ଡଗ୍ଲାସ । ଦୀର୍ଘ ଦଶନ୍ଧିର ସିନେ କ୍ୟାରିଅର୍ରେ ୭୯ ବର୍ଷୀୟ ଏହି ଅଭିନେତା ଦୁଇଟି ଅସ୍କାର, ୫ ଗୋଲ୍ଡେନ୍ ଗ୍ଲୋବ୍, ଗୋଟିଏ ପ୍ରାଇମ୍ଟାଇମ୍ ଏମି ସମ୍ମାନ ଏବଂ ଏଏଫ୍ଆଇ ଜୀବନବ୍ୟାପୀ କୃତିତ୍ୱ ସମ୍ମାନ ଲାଭ କରିଛନ୍ତି । ଏ ଅବସରରେ ସେ ଫିଲ୍ମ ନିର୍ମାଣ ଓ ଆର୍ଥିକ ସହାୟତା କ୍ଷେତ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରୟାସକୁ ପ୍ରଶଂସା କରିଥିଲେ ।
Earning a mention from the Jury is always significant, and this year, @shetty_rishab attains the Special Jury Award at #IFFI54 for his film Kantara. What a memorable moment! pic.twitter.com/PCCTMk1DZT
— International Film Festival of India (@IFFIGoa) November 28, 2023
ଏହି ଅନ୍ତର୍ଜାତୀୟ ଚଳଚ୍ଚିତ୍ର ସମ୍ମାନ ମହୋତ୍ସବରେ ବିଶ୍ୱର ବିଭିନ୍ନ କୋଣରୁ ସିନେ ଜଗତର ସେଲିବ୍ରିଟିମାନେ ଯୋଗ ଦେଇଥିଲେ । ଅନେକ ବିଦେଶୀ କଳାକାର ଭାରତୀୟ ସିନେମା ପ୍ରତି ସେମାନଙ୍କ ଭଲପାଇବା ବିଷୟରେ ମଞ୍ଚରେ ବର୍ଣ୍ଣନା କରିଥିଲେ । ଏ ଅବସରରେ ଜଣାଶୁଣା ୱେଲ୍ଶ ଅଭିନେତ୍ରୀ ତଥା ମାଇକେଲ ଡଗଲାସ୍ଙ୍କ ପତ୍ନୀ କ୍ୟାଥରିନ୍ ଜେଟାଜୋନ୍ସ ଭାରତୀୟ ସିନେମା ପ୍ରତି ନିଜ ଭଲପାଇବା ବର୍ଣ୍ଣନା କରିଥିଲେ । ତାଙ୍କ ପିଲାମାନେ ଶାହରୁଖ ଖାନଙ୍କ ‘ଓମ୍ ଶାନ୍ତି ଓମ୍’ ଭଳି ଫିଲ୍ମ ଦେଖି ବଡ଼ ହୋଇଛନ୍ତି ବୋଲି ସେ କହିଥିଲେ । ତାଙ୍କ ପସନ୍ଦର ଫିଲ୍ମ ମଧ୍ୟରେ ‘ଲଞ୍ଚବକ୍ସ’ ଅନ୍ୟତମ ବୋଲି ମଧ୍ୟ ସେ କହିଥିଲେ ।