ମୁମ୍ବାଇ, ୦୪/୦୯: ଭାରତୀୟ କ୍ରିକେଟ ଟିମର ଷ୍ଟାର୍ ବୋଲର୍ ବୁମରା ବାପା ହୋଇଛନ୍ତି । ବୁମରାଙ୍କ ପତ୍ନୀ ସଞ୍ଜନା ଗଣେଶନ ଆଜି ପୁଅ ଜନ୍ମ ଦେଇଛନ୍ତି । ଏଥିସହ ବାପାମାଆ ହୋଇଛନ୍ତି ବୁମରା ଓ ସଞ୍ଜନା । ବାପା ହେବା ନେଇ ବୁମରା ଇନଷ୍ଟାଗ୍ରାମରେ ଫଟୋ ସେୟାର କରି ସୂଚନା ଦେଇଛନ୍ତି ।
ପୁଅର ନାଁ ଅଙ୍ଗଦ ରଖିଥିବା ଲେଖିଛନ୍ତି ବୁମରା । ନେପାଳ ବିପକ୍ଷରେ ଭାରତ ଆଜି ମ୍ୟାଚ୍ ଖେଳିବ । ତେବେ ବୁମରା ମୁମ୍ବାଇ ଆସିଥିବାରୁ ସେ ନେପାଳ ବିପକ୍ଷରେ ଖେଳିବେ ନାହିଁ । ପାକିସ୍ତାନ ବିପକ୍ଷ ମ୍ୟାଚ୍ ପରେ ବୁମରା ଶ୍ରୀଲଙ୍କା ଛାଡ଼ି ଭାରତ ଆସିଥିଲେ । ଆଗକୁ ସୁପର୍-୪ ମୁକାବିଲା ପାଇଁ ବୁମରା ଶ୍ରୀଲଙ୍କା ଯାଇ ଦଳରେ ସାମିଲ୍ ହେବେ ।
ଭାରତୀୟ କ୍ରିକେଟ୍ ଦଳକୁ ଝଟକା, ଏସିଆ କପ୍ ଅଧାରୁ ଘରକୁ ଫେରିଲେ ଯଶପ୍ରୀତ ବୁମରା
ବୁମରା ବାପା ହେବା ପରେ ସୋସିଆଲ୍ ମିଡିଆରେ ଫଟୋ ପୋଷ୍ଟ କରିଛନ୍ତି । ଯେଉଁଥିରେ ନବଜାତକର ହାତ ସହ ପତି, ପତ୍ନୀଙ୍କ ହାତ ରହିଛି । ସେ ଲେଖିଛନ୍ତି, ଆମର ଛୋଟିଆ ପରିବାର ଏବେ ବଡ଼ ହୋଇ ଯାଇଛି । ଆଶାଠୁ ଅଧିକ ଖୁସି ମିଳିଛି । ଅଙ୍ଗଦ ଯଶପ୍ରୀତ ବୁମରାଙ୍କୁ ଦୁନିଆକୁ ସ୍ୱାଗତ ବୋଲି ଲେଖିଛନ୍ତି ବୁମରା ।
୨୦୨୧ ମାର୍ଚ୍ଚରେ ଟିଭି ଆଙ୍କର ସଞ୍ଜନା ଗଣେଶନଙ୍କୁ ବିବାହ କରିଥିଲେ ଯଶପ୍ରୀତ ବୁମରା । ବିବାହ ଉତ୍ସବରେ କେବଳ ଘନିଷ୍ଠ ଓ ସମ୍ପର୍କୀୟ ସାମିଲ୍ ହୋଇଥିଲେ । ଏଭଳିକି ବିବାହକୁ ସମ୍ପର୍କୀୟଙ୍କୁ ମୋବାଇଲ୍ ଫୋନ୍ ନେବାକୁ ଦିଆଯାଇ ନଥିଲା । ବିବାହର ୨ ବର୍ଷ ପରେ ସଞ୍ଜନା ଓ ବୁମରା ମାତାପିତା ହେବାର ସୌଭାଗ୍ୟ ଅର୍ଜନ କରିଛନ୍ତି ।
