ବ୍ରହ୍ମପୁର,୨୭/୧୧ : ଭୁବନେଶ୍ୱର ସାଂସଦ ତଥା ରାଜ୍ୟ ବିଜେପି ଉପସଭାନେତ୍ରୀ ଅପରାଜିତା ଷଡ଼ଙ୍ଗୀ ସୋମବାର ଗଞ୍ଜାମ ଜିଲ୍ଲା ଶେରଗଡ଼ ଗସ୍ତରେ ଆସୁଛନ୍ତି । ସାଂସଦ ଷଡ଼ଙ୍ଗୀ ପୂର୍ବାହ୍ନରେ ବ୍ରହ୍ମପୁର ଦେଇ ଯାତ୍ରା କରିବେ । କୌଣସି ରାଜେନୗତିକ କାର୍ଯ୍ୟକ୍ରମ ନଥିଲେ ମଧ୍ୟ ସାଂସଦଙ୍କୁ ବ୍ରହ୍ମପୁରର ବିଭିନ୍ନ ସ୍ଥାନରେ ସ୍ୱାଗତ ସମ୍ବର୍ଦ୍ଧନା ଦିଆଯିବାକୁ ସ୍ଥିର ହୋଇଛି ।
ବ୍ରହ୍ମପୁର ଉପକଣ୍ଠ ଜଗନ୍ନାଥପୁର ଜଙ୍କସନ୍, ଗୋପାଳପୁର ଜଙ୍କସନ୍, ଇଞ୍ଜିନିୟରିଂ ସ୍କୁଲ୍ ଛକ, କୋର୍ଟପେଟା ଛକରେ ସ୍ୱାଗତ ସମ୍ବର୍ଦ୍ଧନା ଦିଆଯିବ । ଖଲ୍ଲିକୋଟ କଲେଜ ଛକରେ ବିଶ୍ୱନାଥ ଦାଶଙ୍କ ପ୍ରତିମୁର୍ତ୍ତିରେ ସାଂସଦ ମାଲ୍ୟାର୍ପଣ କରିବାର କାର୍ଯ୍ୟକ୍ରମ ସ୍ଥିର ହୋଇଛି । ଏହା ପରେ ଗେଟବଜାର, ହରିଡ଼ାଖଣ୍ଡି ଆଦି ଛକରେ ଗଞ୍ଜାମ ଜିଲ୍ଲା ବିଜେପି କାର୍ଯ୍ୟକର୍ତ୍ତା ସାଂସଦଙ୍କୁ ସ୍ୱାଗତ କରିବେ ବୋଲି ଜିଲ୍ଲା ବିଜେପି ପକ୍ଷରୁ ସୂଚନା ମିଳିଛି ।