ନୂଆଦିଲ୍ଲୀ, ୧୫/୦୯: ସହକର୍ମୀଙ୍କୁ ହତ୍ୟା । ପ୍ରଥମେ ମୁହଁକୁ ଏସିଡ୍ ଫିଙ୍ଗିଲେ, ତା’ପରେ ମାରିଦେଲେ । ଟଙ୍କା ଧାର ନେଇ ଦେଲେନି ବରଂ ମାଗିବାରୁ ମାରିଦେଲେ । ଦିଲ୍ଲୀରେ ଘଟିଛି ଏଭଳି ବିଭତ୍ସ ହତ୍ୟାକାଣ୍ଡ । ନୂଆଦିଲ୍ଲୀ ରେଲୱେ ଷ୍ଟେସନରୁ ୪୫ ବର୍ଷୀୟ ଟେକ୍ନିସିଆନଙ୍କୁ ଗିରଫ କରିଛି ପୋଲିସ ।
ଦିଲ୍ଲୀ ନିଜାମୁଦ୍ଦିନ ରେଲୱେ ଷ୍ଟେସନରେ ଟେକ୍ନିକାଲ୍ ସୁପରଭାଇଜର ଥିବା ମହମ୍ମଦ ଜାକିର୍ ତାଙ୍କ ସହକର୍ମୀଙ୍କ ତଣ୍ଟିକୁ ଏକାଧିକ ବାର ଛୁରିରେ ଆଘାତ କରିଥିଲେ । ମରିଯିବା ପରେ ପରିଚୟ ଯେଭଳି ଜଣା ନ ପଡ଼ିବ ସେଥିପାଇଁ ମୁହଁକୁ ଏସିଡ୍ ଫିଙ୍ଗିଥିଲେ ।
କମ୍ ଦାମ୍ ବିଶିଷ୍ଟ ଦୁଇଚକିଆ ଗାଡିରେ ଜିଏସଟି ୨୮%ରୁ ହ୍ରାସ କରି ୧୮% କରାଯାଉ: FADA
ପୋଲିସ ସୂଚନା ଅନୁସାରେ, ମୃକତ ଜଣଙ୍କ ରେଲୱେ କ୍ଲର୍କ ଭାବେ କାର୍ଯ୍ୟ କରୁଥିଲେ । ୨୦୧୮ ଓ ୨୦୧୯ରେ ଋଣ ଆଣି ମୃତକ ଜଣଙ୍କ ଅଭିଯୁକ୍ତକୁ ୧୧ ଲକ୍ଷ ଟଙ୍କା ଦେଇଥିଲେ । ପୋଲିସ ଗ୍ରେଟର ନୋଇଡାର ୧୪୮ ମେଟ୍ରୋ ଷ୍ଟେସନ ନିକଟରୁ ମୃତଦେହ ଜବତ କରିଛି ।
ସୂଚନା ଅନୁସାରେ, ସେପ୍ଟେମ୍ବର ୮ ତାରିଖରେ ମୃତକଙ୍କ ଝିଅ, ମାଆ ନିଖୋଜ ନେଇ ଅଭିଯୋଗ ଆଣିଥିଲେ । ସେପ୍ଟେମ୍ବର ୯ ତାରିଖ ରାତି ୮ଟାରେ ଘର ଲୋକଙ୍କୁ ଏକ ଫୋନ୍ ଆସିଥିଲା । ପୋଲିସ୍ ଫୋନ୍ କରି କହିଥିଲା ମହିଳା ଜଣଙ୍କୁ ହତ୍ୟା କରାଯାଇଛି ।
୨୦୨୫ ସୁଦ୍ଧା ପାକିସ୍ତାନ ପାଖରେ ଥିବ ୨ଶହ ଆଣବିକ ଅସ୍ତ୍ରଶସ୍ତ୍ର, ଆମେରିକା ବୈଜ୍ଞାନିକଙ୍କ ଖୁଲାସା...
ତଦନ୍ତ ବେଳେ ପୋଲିସ ଜାଣିବାକୁ ପାଇଥିଲା ଋଣ ନେଇ ଫେରାଇ ନ ପାରିବାରୁ ଜାକିର୍ ଚାପରେ ଥିଲା । ସେପ୍ଟେମ୍ବର ୮ ତାରିଖରେ ମହିଳା ଜଣଙ୍କ ଦିନ ୨ଟାରେ ଅଫିସରୁ ବାହାରି ଥିଲେ । ସେଦିନ ଛୁଟିରେ ଥିଲା ଜାକିର୍ । କିନ୍ତୁ ତା ଫୋନ୍ ସ୍ୱିଚ୍ ଅଫ୍ ଥିଲା । ପରେ ପୋଲିସ ୨୦ ଘଣ୍ଟା ଧରି ୬୦ଟି ସ୍ଥାନରେ ରେଡ୍ କରିବା ପରେ ସୁଭାଷ ବିହାରରୁ ଧରା ପଡ଼ିଥିଲା ଜାକିର୍ ।
ଜେରା ବେଳେ ଜାକିର୍ କହିଛି, ମୃତକ ଜଣଙ୍କ ଟଙ୍କା ଫେରାଇବାକୁ ବାଧ୍ୟ କରୁଥିଲେ । ଯାହା ଫଳରେ ସେ ତାଙ୍କୁ ମାରିଦେବାକୁ ଯୋଜନା କରିଥିଲା । ମହିଳା ଜଣଙ୍କୁ ନୋଇଡ଼ା ସ୍ଥିତ ନଲେଜ ପାର୍କକୁ ଡାକି ନେବା ପରେ ତଣ୍ଟିକୁ ବାରମ୍ବାର ଛୁରାରେ ଆକ୍ରମଣ କରିଥିଲେ । ମରିଯିବା ପରେ ମୁହଁକୁ ଏସିଡ୍ ଫିଙ୍ଗି ଦେଇଥିଲେ, ଯେଭଳି କେହି ଚିହ୍ନି ପାରିବେ ନାହିଁ ।
ଗୋଟିଏ କ୍ଲିକ୍ରେ ମିଳିବ ସୁପ୍ରିମକୋର୍ଟ ତଥ୍ୟ, ନ୍ୟାସନାଲ ଜୁଡିସିଆଲ ଡାଟା ଗ୍ରୀଡ୍ରେ ଉପଲବ୍ଧ ହେବ
