ଭୁବନେଶ୍ୱର,୦୧/୦୨: ଲୋକପ୍ରିୟ ଲକ୍ଜ୍ୟୁରୀ କାର ନିର୍ମାତା ମର୍ସିଡିଜ ବେଞ୍ଜ ପକ୍ଷରୁ ନୂଆ ଏସ୍ୟୁଭି ଜିଏଲ୍ଏ ଏବଂ ଏଏମ୍ଜି ଜିଏଲ୍ଇ ୫୩ ଫୋର୍ମ୍ୟାଟିକ ପ୍ଲସ ମଡେଲର ବଜାର ପ୍ରବେଶ କରାଯାଇଛି । କମ୍ପାନି ଲାଗି ଜିଏଲ୍ଏ ଏକ ସଫଳ ମଡେଲ ରହି ଆସିଛି । ଭାରତରେ ୧୪ ହଜାର ୟୁନିଟ ବିକ୍ରି ସଫଳତା ଏହା ହାସଲ କରିଛି । ନୂଆ ମଡେଲଟି ଏହି ସଫଳତା ଧାରି ଜାରି ରଖିବ ବୋଲି କମ୍ପାନି ଆଶା ରଖିଛି ।
ସେହିଭଳି ଏଏମ୍ଜି ଜିଏଲ୍ଇ ୫୩ କୁପ୍ ମଡେଲ ଦ୍ୱାରା କମ୍ପାନି ଏହାର ଏସ୍ୟୁଭି ପୋର୍ଟଫୋଲିଓରେ ଷ୍ଟାଇଲ ସଂଯୋଗ କରିଛି । ଏହି ଏସ୍ୟୁଭି କୁପ୍ରେ ଗ୍ରାହକ ଲକ୍ଜ୍ୟୁରୀ, ଷ୍ଟାଇଲ ଏବଂ ପର୍ଫରମାନ୍ସ ପାଇପାରିବେ । ଏହାବାଦ କମ୍ପାନି କନ୍ସେପ୍ଟ ଇକ୍ୟୁଜିକୁ ବଜାର ପ୍ରବେଶ କରାଇଛି ।
ଭବିଷ୍ୟତ ଇ-ଯାନକୁ ଧ୍ୟାନରେ ରଖି ଏହି ମଡେଲଟିକୁ ଡିଜାଇନ କରାଯାଇଛି । ଏହି କନ୍ସେପ୍ଟ ମଡେଲରେ ଜିକ୍ଲାସର ଝଲକ ପାଇବେ ଗ୍ରାହକ । ଜିଏଲ୍ଏ ମଡେଲଟି ୫୦.୫୦ ଲକ୍ଷରୁ ଏବଂ ଏଏମ୍ଜି ଜିଏଲ୍ଇ ୧.୮୫ କୋଟିରୁ ଆରମ୍ଭ ହେଉଛି । ଏସ୍ୟୁଭି ପୋର୍ଟଫୋଲିଓ ଅଭିବୃଦ୍ଧିରେ ଏହି ମଡେଲଗୁଡିକ ସହାୟକ ହେବ ବୋଲି ମର୍ସିଡିଜ ବେଞ୍ଜ ଇଣ୍ଡିଆର ସିଇଓ ସନ୍ତୋଷ ଆୟାର କହିଛନ୍ତି ।
