ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ଅଧରାତିରେ ରାଫାହରେ ଇସ୍ରାଏଲର ଏୟାରଷ୍ଟ୍ରାଇକ୍, ୫୦ରୁ ଅଧିକ ମୃତ

ନୂଆଦିଲ୍ଲୀ, ୧୨/୦୨: ଦକ୍ଷିଣ ଗାଜାର ରାଫାହରେ ସୋମବାର ଘନ ଘନ ଏୟାରଷ୍ଟ୍ରାଇକ୍ କରିଛି ଇସ୍ରାଏଲ୍ ଡିଫେନ୍ସ ଫୋର୍ସ । ସୋମବାର ବିଳମ୍ବିତ ରାତିରେ ରାଫାହରେ ହୋଇଥିବା ଏୟାରଷ୍ଟ୍ରାଇକରେ ୫୨ ଜଣଙ୍କ ମୃତ୍ୟୁ ହୋଇଛି । 

ହମାସର ଦାବି ଅନୁସାରେ, ଏୟାରଷ୍ଟ୍ରାଇକ୍ ଦ୍ୱାରା ବିପୁଳ କ୍ଷତିଗ୍ରସ୍ତ ହୋଇଛି ରାଫାହ ସହର । ଏବେ ଗାଜାର ଜନସଂଖ୍ୟାର ଅଧା ଘର ରାଫାହରେ ଧ୍ୱଂସ ହୋଇଛି । ଅନେକ ଶରଣାର୍ଥୀ ଶିବିର କ୍ଷତିଗ୍ରସ୍ତ ହୋଇଥିବା ହମାସ୍ ଦାବି କରିଛି । ୧୪ଟି ଆବାସିକ କୋଠା ସହ ୩ ମସଜିଦ୍ ଧ୍ୱଂସ ହୋଇ ଯାଇଛି ।

ହମାସର ଦାବି ପରେ ଆକ୍ରମଣ ନେଇ ପ୍ରତିକ୍ରିୟା ରଖିଛି ଇସ୍ରାଏଲ୍ ଡିଫେନ୍ସ ଫୋର୍ସ । ସିରିଜ୍ ଆକ୍ରମଣକୁ ଇସ୍ରାଏଲ୍ ଟେରର୍ ଟାର୍ଗେଟ୍ ବୋଲି ଅଭିହିତ କରିଛି । ସେନା ଆହୁରି କହିଛି, ଆକ୍ରମଣ ସରିଛି । ଆମେ ଆତଙ୍କବାଦୀଙ୍କୁ ମାରିବାରେ ସଫଳ ହୋଇଛୁ ।

ଏହା ପୂର୍ବରୁ ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ ସେନାକୁ କହିଥିଲେ ରାଫାହରେ ଗ୍ରାଉଣ୍ଡ ଅପରେସନ୍ ଲାଗି ପ୍ରସ୍ତୁତ ରୁହ । ଯାହାକି ଗାଜାର ସବୁଠୁ ଜନଗହଳିପୂର୍ଣ୍ଣ ଅଞ୍ଚଳ । ଗତବର୍ଷ ଅକ୍ଟୋବର ୭ରେ ଯୁଦ୍ଧ ଆରମ୍ଭ ପର ଠାରୁ ଇସ୍ରାଏଲ୍ ସେନା ରାଫାହରେ ପଶି ନଥିଲା । 

ଏବେ ରାଫାହର ସ୍ଥିତି ଭୟଙ୍କର ରହିଛି । ପ୍ରାୟ ୧.୪ ମିଲିୟନ୍ ଫିଲିସ୍ତୀନ ନାଗରିକ ରାଫାହରେ ଶରଣ ନେଇଛନ୍ତି । ଅଧିକାଂଶ ଲୋକ ଟେଣ୍ଟ ତଳେ ରହିଥିବା ବେଳେ ଖାଦ୍ୟ, ପାନୀୟ ଏବଂ ଔଷଧର ଅଭାବ ଲାଗି ରହିଛି । ଏବେ ପୁଣି ଇସ୍ରାଏଲର ଏୟାରଷ୍ଟ୍ରାଇକ୍ ବଢ଼ାଇ ଦେଇଛି ଦୁଃଖ । 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.