କୋଲକାତା,୦୫/୧୧: ଚଳିତ ବିଶ୍ୱକପ୍ର ୩୭ତମ ଲିଗ୍ ମୁକାବିଲାରେ ରବିବାର ଭାରତ ଓ ଦକ୍ଷିଣ ଆଫ୍ରିକା ପରସ୍ପରକୁ ଭେଟିବେ। ଐତିହାସିକ ଇଡେନ ଗାର୍ଡେନ୍ସରେ ଏହି ମ୍ୟାଚ୍ ଖେଳାଯିବ । ଉଭୟ ଦଳ ସେମି ଫାଇନାଲ୍ରେ ପ୍ରବେଶ କରିସାରିଛନ୍ତି । କେବଳ ପଏଣ୍ଟ ତାଲିକାର ଶୀର୍ଷ ସ୍ଥାନ ପାଇଁ ଉଭୟ ପ୍ରୟାସ କରିବେ ।
ଭାରତ ୭ଟି ଯାକ ମ୍ୟାଚ୍ ଅପରାଜେୟ ରହିଛି । ଦକ୍ଷିଣ ଆଫ୍ରିକା କେବଳ ନେଦରଲାଣ୍ଡ୍ସ ଠାରୁ ପରାଜିତ ହୋଇଥିଲେ ହେଁ ବିସ୍ଫୋରକ ବ୍ୟାଟିଂ ବଳରେ ଆତଙ୍କ ଖେଳାଇଛି ।
ରବିବାର ପ୍ରସିଦ୍ଧ ବ୍ୟାଟର ବିରାଟ କୋହଲିଙ୍କ ଉପରେ ଭାରତୀୟ କ୍ରିକେଟ୍ପ୍ରେମୀଙ୍କ ନଜର ରହିବ । ଜନ୍ମଦିନରେ ସେ ଭାରତବାସୀଙ୍କୁ ବିଜୟ ଭେଟି ଦେବାକୁ ପ୍ରୟାସ କରିବେ । ଆଉ ଗୋଟିଏ ଶତକ କଲେ ସେ ସଚିନ ତେନ୍ଦୁଲକରଙ୍କ ୪୯ଦିନିକିଆ ଶତକ ରେକର୍ଡ ସହ ସମକକ୍ଷ ହେବେ ।
ପୂର୍ବ ରେକର୍ଡ ଦକ୍ଷିଣ ଆଫ୍ରିକା ପକ୍ଷରେ ରହିଥିଲେ ହେଁ ଭାରତକୁ ଘରୋଇ ଗ୍ରାଉଣ୍ଡ୍ରେ ହରାଇବା କଷ୍ଟକର । ବିଶ୍ୱକପ୍ରେ ଉଭୟ ଦଳ ପରସ୍ପରକୁ ୫ଥର ଭେଟିଛନ୍ତି । ଏଥିରୁ ଦକ୍ଷିଣ ଆଫ୍ରିକା ୩ଟି ଓ ଭାରତ ୨ଟି ଲେଖାଏଁ ମ୍ୟାଚ୍ ଜିତିଛନ୍ତି । ୨୦୧୫ ଓ ୨୦୧୯ ବିଶ୍ୱକପ୍ ମୁକାବିଲା ଜାତିଥିବା ଭାରତ ରବିବାର ହ୍ୟାଟ୍ରିକ ବିଜୟ ପାଇଁ ପ୍ରୟାସ କରିବ ।
