କୋଲକାତା ୦୬/୧୧: ଦକ୍ଷିଣ ଆଫ୍ରିକା ବିପକ୍ଷ ବିଜୟକୁ ନେଇ ଅଧିନାୟକ ରୋହିତ ଶର୍ମା ଷ୍ଟାର୍ ବ୍ୟାଟ୍ସମ୍ୟାନ୍ ବିରାଟ କୋହଲି ଓ ଅଲ୍ରାଉଣ୍ଡର ରବିନ୍ଦ୍ର ଜାଡେଜାଙ୍କୁ ପ୍ରଶଂସା କରିଛନ୍ତି ।
ସେ କହିଛନ୍ତି, ପିଚ୍ ବ୍ୟାଟିଂ ପାଇଁ ସେଭଳି ଅନୁକୂଳ ନଥିଲା । ମାତ୍ର ଆମ ବ୍ୟାଟରମାନେ ଚମତ୍କାର ବ୍ୟାଟିଂ କରିଥିଲେ । ବିଶେଷ କରି ବିରାଟ କୋହଲିଙ୍କ ବ୍ୟାଟିଂ ଚମକପ୍ରଦ ରହିଥିଲା । ଏଭଳି ପିଚ୍ରେ ସବୁ ବ୍ୟାଟ୍ସମ୍ୟାନ୍ ସହଜରେ ରନ ସଂଗ୍ରହ କରିପାରିବେ ନାହିଁ । ତେଣୁ କଷ୍ଟକର ପିଚ୍ ପାଇଁ କୋହଲିଙ୍କ ଭଳି ଦକ୍ଷ ବ୍ୟାଟ୍ସମ୍ୟାନ୍ଙ୍କ ଆବଶ୍ୟକତା ରହିଛି । ଶ୍ରେୟାସ ଆୟରଙ୍କ ଅବଦାନକୁ ମଧ୍ୟ ପ୍ରଶଂସନୀୟ । ମାତ୍ର ଜାଡେଜାଙ୍କ ପ୍ରଦର୍ଶନ ବେଶ୍ ଚମତ୍କାର ରହିଥିଲା । ସେ ଆମ ମ୍ୟାଚ୍ ୱିନର୍ । ଆଜି ସେ ଅସଲ ଦକ୍ଷତା ଦେଖାଇଛନ୍ତି । ଆବଶ୍ୟକତା ଅନୁଯାୟୀ ସେ ଆଜି ପ୍ରଦର୍ଶନ କରିଛନ୍ତି । ପ୍ରଥମ ୫ଟି ମ୍ୟାଚ୍ ଅପେକ୍ଷା ଶେଷ ୩ଟି ଯାକ ଲିଗ୍ ମ୍ୟାଚ୍ର ପ୍ରଦର୍ଶନକୁ ନେଇ ମୁଁ ସନ୍ତୁଷ୍ଟ । ଏହି ମ୍ୟାଚ୍ ଗୁଡ଼ିକରେ ଆମେ କଷ୍ଟକର ପରିସ୍ଥିତିକୁ ସାମ୍ନା କରି ସଫଳ ହୋଇଛି । ଇଂଲଣ୍ଡ ଓ ଶ୍ରୀଲଙ୍କା ଆମକୁ ପ୍ରାରମ୍ଭରୁ ଚାପରେ ରଖିଥିଲେ । ହେଲେ ଆମ ପେସ୍ ବୋଲରମାନେ ଆମକୁ ବିଜୟ ଭେଟି ଦେଇଥିଲେ ।
