ବେଙ୍ଗାଲୁରୁ,୦୯/୧୧: ଚଳିତ ବିଶ୍ୱକପ୍‌ର ୪୦ଟି ମ୍ୟାଚ  ଶେଷ ହୋଇସାରିଛି । ତଥାପି ସେମି  ଫାଇନାଲ୍‌ ନିଶ୍ଚିତ ହୋଇପାରି ନାହିଁ । ଭାରତ, ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ  ସେମିରେ ପ୍ରବେଶ କରିସାରିଛନ୍ତି । ବୁଧବାର ନେଦରଲାଣ୍ଡ୍‌ସ ସେମି ଦୌଡ଼ରୁ ବାଦ୍‌ ପଡ଼ିଛି । ଫଳରେ ଗୋଟିଏ ସ୍ଥାନ ପାଇଁ  ନ୍ୟୁଜିଲାଣ୍ଡ, ପାକିସ୍ତାନ ଓ ଆଫଗାନିସ୍ତାନ ଏବେବି ଦୌଡ଼ରେ ରହିଛନ୍ତି ।  

ନ୍ୟୁଜିଲାଣ୍ଡ ଗୁରୁବାର ଶେଷ ଲିଗ୍‌ ମ୍ୟାଚ୍‌ରେ ଶ୍ରୀଲଙ୍କାକୁ ହରାଇଲେ ସେମି ଫାଇନାଲର ପ୍ରମୁଖ ଦାବିଦାର ହୋଇ ପାରିବ । ଶ୍ରୀଲଙ୍କାକୁ ହରାଇଲେ ନ୍ୟୁଜିଲାଣ୍ଡର ପଏଣ୍ଟ ୧୨ରେ ପହଞ୍ଚିବ । ନ୍ୟୁଜିଲାଣ୍ଡର ବିଜୟ ସତ୍ତେ୍ୱ ପାକିସ୍ତାନ ମଧ୍ୟ ଶେଷ ଲିଗ୍‌ ମ୍ୟାଚ୍‌ରେ ଇଂଲଣ୍ଡ ଠାରୁ ପରାଜିତ ହେବା ଆବଶ୍ୟକ ।  

ପାକିସ୍ତାନକୁ ସେମିରେ ପ୍ରବେଶ କରିବା ପାଇଁ ହେଲେ ଶେଷ ଲିଗ୍‌ ମ୍ୟାଚ୍‌ରେ ଇଂଲଣ୍ଡକୁ ଅତି କମ୍‌ରେ ୧୩୦ ରନ୍‌ ବ୍ୟବଧାନରେ ହରାଇବା ଜରୁରି । ଶ୍ରୀଲଙ୍କା ଓ ନ୍ୟୁଜିଲାଣ୍ଡ ମଧ୍ୟରେ  ହେବାକୁ ଥିବା ମୁକାବିଲା ବର୍ଷା ଯୋଗୁ  ବାତିଲ ହୋଇଗଲେ ପାକିସ୍ତାନ ଶେଷ ଲିଗ ମ୍ୟାଚ୍‌ରେ ସିଧା ସଳଖ ବିଜୟ  ସହ ସେମିରେ ପ୍ରବେଶ କରିପାରିବ । ଏହା ସମ୍ଭବ ହେଲେ ପାକିସ୍ତାନ ରନ୍‌ ରେଟ୍‌ରେ ନ୍ୟୁଜିଲାଣ୍ଡକୁ ଅତିକ୍ରମ  କରିପାରିବ । ଆଫଗାନିସ୍ତାନ ମଧ୍ୟ ସେମିରେ ପ୍ରବେଶ କରିବାର ସୁଯୋଗ  ରହିଛି । ଆଫଗାନିସ୍ତାନ ଶେଷ ମ୍ୟାଚ୍‌ରେ ଦକ୍ଷିଣ ଆଫ୍ରିକାକୁ ହରାଇବବା ସହ ନ୍ୟୁଜିଲାଣ୍ଡ ଓ ପାକିସ୍ତାନ ନିଜ ନିଜ  ଶେଷ ମ୍ୟାଚ୍‌ରେ ପରାଜିତ ହେଲେ  ଯାଇ ଆଫଗାନିସ୍ତାନର ସେମି ଫାଇନାଲ ସ୍ୱପ୍ନ ସଫଳ ହେବ ।