ବାଲେଶ୍ୱର, ୮/୧ : ଡମ୍ଫରକୁ ଧକ୍କା ଦେଲା ତୀର୍ଥଯାତ୍ରୀ ବସ୍। ୨୦ ଯାତ୍ରୀ ଆହତ। ଗୁରୁବାର ଭୋର ସମୟରେ ପୁରୀରୁ ପଶ୍ଚିମବଙ୍ଗ ଫେରୁଥିବା ବେଳେ ଏକ ତୀର୍ଥଯାତ୍ରୀ ବସ୍ ଦୁର୍ଘଟଣାଗ୍ରସ୍ତ ହୋଇଛି।
ସୂଚନା ମୁତାବକ, ପଶ୍ଚିମବଙ୍ଗର ବାଙ୍କୁଡା ଅଞ୍ଚଳରୁ ଏକ ବସ୍ରେ ତୀର୍ଥଯାତ୍ରୀ ଜଗା ଦର୍ଶନ ପାଇଁ ପୁରୀ ଯାଇଥିଲେ। ବୁଧବାର ସେମାନେ ବାଙ୍କୁଡା ଫେରୁଥିଲେ। ଗୁରୁବାର ଭୋର ସମୟରେ ବସ୍ଟି ନିଧିପଣ୍ଡା ନିକଟରେ ଆଗରେ ଯାଉଥିବା ଏକ ଡମ୍ଫରକୁ ଧକ୍କା ଦେଇଥିଲା। ପରେ ନିୟନ୍ତ୍ରଣ ହରାଇ ବସ୍ ରାସ୍ତା କଡ଼କୁ ଓଲଟି ପଡ଼ିଥିଲା। ଫଳରେ ବସ୍ରେ ଥିବା ଯାତ୍ରୀ ଆହତ ହୋଇଛନ୍ତି। ସେମାନଙ୍କୁ ଜିଲ୍ଲା ହସ୍ପିଟାଲକୁ ନିଆଯାଇଥିଲା। ପ୍ରାଥମିକ ଚିକିତ୍ସା ପରେ ଜିଲ୍ଲା ପ୍ରଶାସନ ପକ୍ଷରୁ ବାଙ୍କୁଡା ପଠାଯାଇଛି।