ଭୁବନେଶ୍ୱର,୨୯/୦୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ଫେବ୍ରୁଆରୀରେ ଦୁଇଥର ଓଡ଼ିଶା ଆସିବେ । ମୋଦି ୩ ତାରିଖରେ ସମ୍ବଲପୁର ଓ ୧୦ ତାରିଖରେ ଭୁବନେଶ୍ୱର ଆସିବେ ବୋଲି ଦଳୀୟ ସୂତ୍ରରୁ ସୂଚନା ମିଳିଛି । ୩ ତାରିଖରେ ସମ୍ବଲପୁର ଆସି ସେଠାରେ ଆଇଆଇଏମ୍ର ସ୍ଥାୟୀ କ୍ୟାମ୍ପସକୁ ଲୋକାର୍ପିତ କରିବେ । ପରେ ରେମେଡ୍ ପଡ଼ିଆରେ ଅନୁଷ୍ଠିତ ବିରାଟ ସଭାରେ ଦେଢ଼ ଲକ୍ଷରୁ ଅଧିକ ଲୋକଙ୍କୁ ପ୍ରଧାନମନ୍ତ୍ରୀ ସମ୍ୱୋଧନ କରିବେ । ଦଳ ଉତ୍ସାହିତ ହୋଇ ନିର୍ବାଚନ ପାଇଁ ପ୍ରସ୍ତୁତ ହେବ ।
ଏହାପରେ ପୁଣି ୧୦ ତାରିଖରେ ଓଡ଼ିଶା ଆସିବେ ପ୍ରଧାନମନ୍ତ୍ରୀ । ଏଥର ପଶ୍ଚିମ ଓଡ଼ିଶାରେ ସଭା ନ କରି ସିଧା ରାଜଧାନୀ ଭୁବନେଶ୍ୱରରେ ବିଶାଳ ମହିଳା ସମାବେଶରେ ଯୋଗ ଦେବେ । ଏହି ସମାବେଶରେ ୧୪ ରାଜ୍ୟରୁ ୨୫ ହଜାର ମହିଳା ଏକାଠି ହେବେ । ଏ ସଭାରେ ମୋଦି ହାଣ୍ଡିଶାଳ ଭୋଟବ୍ୟାଙ୍କ ଭିଡ଼ିବାକୁ ସବୁପ୍ରକାର କୌଶଳ ଆଦରି ପାରନ୍ତି ବୋଲି ସୂଚନା ମିଳିଛି । ପ୍ରଧାନମନ୍ତ୍ରୀଙ୍କ ଓଡ଼ିଶା ଗସ୍ତ ପରେ ବିଜେପି ଆଉ ପଛକୁ ଫେରି ଚାହିଁବନି ବୋଲି ରାଜ୍ୟ ବିଜେପି ସଭାପତି ମନମୋହନ ସାମଲ କହିଛନ୍ତି ।
ଯାହା ଜାନୁଆରୀ ୧୬ ତାରିଖ ପର୍ଯ୍ୟନ୍ତ ଧାର୍ଯ୍ୟ କରାଯାଇଥିଲା । ହେଲେ ସ୍ୱାସ୍ଥ୍ୟ ବିଭାଗ ଆବେଦନର ସମୟ ଜାନୁଆରୀ ୨୬ ତାରିଖ ବଢାଇଥିଲା । ଏହାପରେ ରବିବାର ପୁନଶ୍ଚ ଏ ଉପରେ ବିଚାର କରି ସ୍ୱାସ୍ଥ୍ୟ ବିଭାଗ ପକ୍ଷରୁ ଫେବ୍ରୁଆରୀ ୮ ତାରିଖ ପର୍ଯ୍ୟନ୍ତ ପଞ୍ଜୀକରଣର ସମୟ ବୃଦ୍ଧି କରାଯାଇଛି ।
ଉଲ୍ଲେଖଯୋଗ୍ୟ ଯେ ବିଏସ୍କେୱାଇ ଯୋଜନାର ଏହା ହେଉଛି ତୃତୀୟ ପର୍ଯ୍ୟାୟ । ଏହି ପର୍ଯ୍ୟାୟରେ ବିଏସ୍କେୱାଇରୁ ବଞ୍ଚିତ ହୋଇଥିବା ଗ୍ରାମାଞ୍ଚଳର ଲୋକଙ୍କୁ ଜଟିଳ ରୋଗ ପାଇଁ ଘରୋଇ ଚିକିତ୍ସାଳୟରେ କ୍ୟାସ୍ଲେସ୍ ସୁବିଧା ଯୋଗାଇଦିଆଯିବ । ଏହି ପର୍ଯ୍ୟାୟରେ କେବଳ ସରକାରୀ କର୍ମଚାରୀ, ଆୟକରଦାତାଙ୍କୁ ବାଦ୍ ଦେଇ ଗ୍ରାମାଞ୍ଚଳର ଯେଉଁ ପରିବାର ସ୍ୱାସ୍ଥ୍ୟ କାର୍ଡ ଅଧୀନରେ ନାହାନ୍ତି ସେମାନଙ୍କୁ ଯୋଡ଼ାଯିବ । ସେମାନେ ରାଜ୍ୟ ତଥା ରାଜ୍ୟ ବାହାରେ ଥିବା ପଞ୍ଜିକୃତ ଚିକିତ୍ସାଳୟରେ ସ୍ୱାସ୍ଥ୍ୟସେବା ପାଇବେ । ଏହି ତୃତୀୟ ପର୍ଯ୍ୟାୟ ସଂପ୍ରସାରଣରେ ରାଜ୍ୟର ୧ କୋଟି ୧୦ଲକ୍ଷରୁ ଅଧିକ ପରିବାର ରହିଛନ୍ତି । ଯାହାକି ରାଜ୍ୟର ଲୋକସଂଖ୍ୟାର ମୋଟ ୯୦ପ୍ରତିଶତ ଅଟେ । ସେମାନେ ସମସ୍ତେ ବିଏସ୍କେୱାଇ-ନବୀନ କାର୍ଡ ଜରିଆରେ ଉତ୍ତମ ଚିକିତ୍ସା ସୁବିଧା ପାଇବେ ।
