ଜୟପୁର, ୦୬/୧୧ : ରାଜସ୍ଥାନ ଦୌସାରେ ମର୍ମନ୍ତୁଦ ଦୁର୍ଘଟଣା। ଭାରସାମ୍ୟ ହରାଇ ରେଲୱେ ଟ୍ରାକ୍କୁ ଖସିଲା ବସ୍। ୪ ମୃତ, ୨୪ ଆହତ। ଆହତମାନଙ୍କୁ ଉଦ୍ଧାର କରାଯାଇ ହସ୍ପିଟାଲକୁ ନିଆଯାଉଛି।
ସୂଚନାନୁଯାୟୀ, ଏକ ଯାତ୍ରୀବାହୀ ବସ୍ ହରିଦ୍ଵାରରୁ ଜୟପୁର ଯାଉଥିଲା। ବସ୍ଟି ହଠାତ୍ ରାଜସ୍ଥାନ ଦୌସା ନିକଟରେ ଭାରସାମ୍ୟ ହରାଇ ପୋଲ ଉପରୁ ଖସି ରେଲୱେ ଟ୍ରାକ୍କୁ ଖସି ପଡ଼ିଥିଲା। ଫଳରେ ବସ୍ରେ ଥିବା ଯାତ୍ରୀଙ୍କ ମଧ୍ୟରୁ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୨୪ ଜଣ ଆହତ ହୋଇଛନ୍ତି। ଆହତମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।
ଅପର ପକ୍ଷରେ ବସ୍ ଟ୍ରାକ୍ରେ ଖସି ପଡ଼ିବାରୁ ରେଳ ଚଳାଚଳ ପ୍ରଭାବିତ ହୋଇଛି। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି।
