ଜଟଣୀ, ୨୮/୧୧: ସାମାନ୍ୟ ଘଟଣାକୁ କେନ୍ଦ୍ର କରି ଜଟଣୀ ତରାବୋଇ ଗ୍ରାମରେ ସୋମବାର ଦୁଇ ଗାଷ୍ଠୀ ମୁହାଁମୁହିଁ ହେବାରୁ ଉତ୍ତେଜନା ପ୍ରକାଶ ପାଇଛି । ରାତି ପ୍ରାୟ ସାଢ଼େ ୧୦ଟାରେ ଏହା ଘଟିଛି । ଏହି ଘଟଣାକୁ ନେଇ ୫ ରୁ ଅଧିକ ବୋମା ମାଡ଼ ହାଇଛି । ଗୋଟିଏ ଗୋଷ୍ଠୀ ବିପକ୍ଷ ଗୋଷ୍ଠୀର ଏକ ବାଇକକୁ ବାଡେଇ ଭାଙ୍ଗି ଦେଇଛନ୍ତି । ଝଗଡ଼ାରେ ୨ଜଣ ଆହତ ହୋଇଛନ୍ତି।
ଗ୍ରାମର ଦୁଇ ଗୋଷ୍ଠୀ ମଧ୍ୟରେ ଏହି ବିବାଦ ଉପୁଜିଥିବା ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ସତର୍କ ଦୃଷ୍ଟି ରଖିଛି । ତେବେ ପରିସ୍ଥିତି ନିୟନ୍ତ୍ରଣରେ ଥିବା ଇନ୍ସପେକ୍ଟର ସୌମ୍ୟକାନ୍ତ ବଳିଆରସିଂ କହିଛନ୍ତି । ଗୋଟିଏ ଗୋଷ୍ଠୀର ଜଣେ ଯୁବକ ଅନ୍ୟ ଗୋଷ୍ଠୀର ଜଣଙ୍କୁ ଗାଳି ଗୁଲଜ କରିବାରୁ ଏହି ବିବାଦ ଉପୁଜିଥିବା ପୁଲିସ କହିଛି ।
