ହାଇଦ୍ରାବାଦ: ଭାରତ ରାଷ୍ଟ୍ର ସମିତି (ବିଆରଏସ୍) ନେତା ତଥା ତେଲେଙ୍ଗାନା ମନ୍ତ୍ରୀ କେ.ଟି ରାମାରାଓ-କେଟିଆର ଏକ ବଡ଼ ଦୁର୍ଘଟଣାରୁ ବର୍ତ୍ତି ଯାଇଛନ୍ତି । ତେଲେଙ୍ଗାନାର ନିଜାମାବାଦରେ ନିର୍ବାଚନ ରାଲିରେ ଯୋଗ ଦେଇଥିବା ବେଳେ ସେ ପ୍ରଚାର ଗାଡ଼ିରୁ ତଳକୁ ଖସିପଡ଼ିଥାନ୍ତେ । ହେଲେ ସେ ନଜକୁ ନିୟନ୍ତ୍ରଣ କରିନେଇଥିଲେ । କେଟିଆରଙ୍କ ସମେତ ଅନ୍ୟ ନେତା ମାନେ ପ୍ରଚାର ଗାଡ଼ି ଉପରେ ଛିଡ଼ା ହୋଇଥିଲେ । ଏହି ସମୟରେ ଗାଡ଼ିଟି ହଠାତ ଅଟକିଯିବାରୁ ନେତାମାନେ ସିଧା ତଳକୁ ଖସିପଡ଼ିଥିଲେ ।
#WATCH | Telangana Minister and BRS leader KTR Rao fell down from a vehicle during an election rally in Armoor, Nizamabad district.
— ANI (@ANI) November 9, 2023
More details awaited. pic.twitter.com/FSNREb5bZZ
ଏନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଏଥିରେ ଦେଖିବାକୁ ମିଳିଛି ଯେ, କେଟିଆର ନିଜକୁ ସମ୍ଭାଳିବା ପାଇଁ ଚେଷ୍ଟା କରୁଥିବା ବେଳେ ଅନ୍ୟମାନେ ଖସିପଡ଼ିଛନ୍ତି । ଏକ ଅଣଓସାରିଆ ଗଳିରେ କେଟିଆରଙ୍କ ପ୍ରଚାର ଗାଡ଼ିଟି ଗତି କରୁଥିବା ବେଳେ ଏହି ଅଘଟଣ ଘଟିଛି । କେଟିଆର ପ୍ରଚାର କରୁଥିବା ବେଳେ ତାଙ୍କ ସମର୍ଥକଙ୍କ ଭିଡ଼ ଗାଡ଼ି ଚାରିପଟେ ଜମା ହୋଇଥିଲା । ଏହି ସମୟରେ ଗାଡ଼ିର ଡ୍ରାଇଭର ହଠାତ ବ୍ରେକ୍ ଲଗାଇ ଦେଇଥିଲେ । ଫଳରେ ଗାଡ଼ି ଉପରେ ଛିଡ଼ା ହୋଇଥିବା ନେତାଗଣ ତଳକୁ ଖସିପଡ଼ିଥିଲେ।
ଗାଡ଼ିର ଛାତ ଉପରେ ହୋଇଥିବା ବାରିକେଡ୍ ଭାଙ୍ଗିଯିବାରୁ ସମସ୍ତ ନେତା ନିଜ ଉପରେ ନିୟନ୍ତ୍ରଣ ହରାଇଥିଲେ । ହେଲେ କେଟିଆର ନିଜକୁ ନିୟନ୍ତ୍ରଣ କରିବାରେ ସକ୍ଷମ ହୋଇଥିବା ବେଳେ ସେ ସୁରକ୍ଷିତ ଥିବା ଜଣାପଡ଼ିଛି । ଏହା ପୂର୍ବରୁ ନଭେମ୍ବର ୬ରେ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ(କେସିଆର)ଙ୍କ ହେଲିକପ୍ଟରରେ ଯାନ୍ତ୍ରିକ ତ୍ରୁଟି ଦେଖାଦେଇଥିଲା । ହେଲିକପ୍ଟରକୁ ତୁରନ୍ତ ଫେରିଯିବାକୁ ପଡ଼ିଥିଲା । ନିର୍ବାଚନ ରାଲି ପାଇଁ ଯାଉଥିବା ବେଳେ କେସିଆର ମଧ୍ୟ ଅସୁବିଧାର ସମ୍ମୁଖୀନ ହୋଇଥିଲେ ।
ସୂଚନାଯୋଗ୍ୟ, ତେଲେଙ୍ଗାନାରେ ବିଧାନସଭା ନିର୍ବାଚନ ହେବାକୁ ଯାଉଛି । ଏହାକୁ ନଜରରେ ରଖି ସମସ୍ତ ଦଳ ପ୍ରଚାର ଜୋରଦାର କରୁଛନ୍ତି । ସେହିଭଳି ଶାସକ ଦଳ ବିଆରଏସ୍ ମଧ୍ୟ ପୁଣି ଥରେ ସରକାର ଗଢ଼ିବାକୁ ସଂଘର୍ଷ ଆରମ୍ଭ କରିଦେଇଛି । ତେଲେଙ୍ଗାନାର ପ୍ରଥମ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ(କେସିଆର) ଏବଂ ତାଙ୍କ ପୁଅ କେଟିଆର ମଧ୍ୟ ମୖଦାନକୁ ଓହ୍ଲାଇଛନ୍ତି । ତେଲେଙ୍ଗାନା ବିଧାନସଭା ନିର୍ବାଚନ ନଭେମ୍ବର ୩୦ରୁ ଆରମ୍ଭ ହେବ । ୧୧୯ଟି ଆସନ ଲାଗି ମତଦାନ ହେବାକୁ ଥିବା ବେଳେ ନିର୍ବାଚନ ଫଳାଫଳ ଡିସେମ୍ବର ୩ରେ ଘୋଷଣା ହେବ ।
